Rakiq: Ta shohim a do ta mbajnë fjalën të dielën QUINT-i dhe BE-ja për referendumin

Lajme

Rakiq: Ta shohim a do ta mbajnë fjalën të dielën QUINT-i dhe BE-ja për referendumin

Më: 14 janar 2022 Në ora: 15:06
Goran Rakiq

Kryetari i Listës Serbe, Goran Rakiq, ka folur për media pas takimit me presidentin Aleksander Vuçiq ku ka thënë se beson që BE-ja do ta përmbushë premtimin e saj të dielën që referendumi i Serbisë të mbahet në Kosovë.

“Ne besojmë në BE, por do ta shohim të dielën nëse do t’i përmbushë premtimet e saj. BE-ja dhe pesë shtetet e QUINT-it kanë dalë me deklaratë dhe qartë u thanë autoriteteve në Prishtinë që referendumi të mbahet në Kosovë”, tha Rakiq.

Rakiq ka thënë se EULEX-i do ta tregojë fytyrën e tij të dielën.

“Në Prishtinë e kundërshtojnë Open Balkan, tani ata nuk po na lejojnë që të shkojmë në BE, ky është hapi që Brukseli po e kërkon. Hapja e kapitujve dhe referendumi po mbahet sepe BE-ja po e kërkon. Ne kërkojmë nga BE-ja që të kalojë nga fjalët tek veprimet. Të dielën EULEX-I do ta shfaq fytyrën e tij”, ka thënë Rakiq pas takimit.

Në takimin e Listës Serbe me presidentin Vuçiq ka qenë i pranishëm edhe nënkryetari i këtij subjekti, Milan Radojiçiq i sanksionuar së fundi nga Departamenti amerikan i Thesarit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat