Ahmeti kthehet në ditët studentore

Maqedonia

Ahmeti kthehet në ditët studentore

Më: 11 mars 2021 Në ora: 15:28
foto nga vendi ngjarjes

Sa herë kur ndodhin të kujtojmë ngjarje të rëndësishme kombëtare,kthehemi të gjithë tek ato kohëra të lavdishme që ishin pikënisja e çdo gjëje në rrugëtimin e vështirë drejt lirisë që shqiptarët e kanë paguar me një çmim të lartë informon Tetovasot.Dhe në këto përvjetorë nuk ka si mungon njëri ndër protagonistët kryesorë që gjithë jetën veproi për kauzën e madhe shqiptare.Ai është Ali Ahmeti. 40 vjet pas ngjarjeve studentore në Prishtinë ,kreu i BDI-SË Ali Ahmeti ishte në vendin ku u zhvilluan këto protesta gjithëpopullore që filluan si një lëvizje spontane e studentëve të Kosovës të cilat u mbajtën në Prishtinë dhe që ishin pikënisja e një sërë ngjarjesh për çlirimin e shqiptarëve nga një armik i ashpër serb derisa po në këto protesta u zbraz gjithë ai mllef i grumbulluar prej kohësh.

Ali Ahmeti ishte sot në kryeqendrën e Kosovës në aktivitetet për nder të 40 vjetorit të demonstratave ku u hodh edhe gurrëthemeli për nder të këtij evenimenti të rëndësishëm ku merrnin pjesë personalitete të veçanta përfshirë edhe kreun e Vetëvendosjes Albin Kurti përcjellë Tetovasot.

Pasi mori pjesë në aktivitetet për nder të 40 vjetorit të demonstratave, Kurti tha se e veçanta e saj ishte se studentët ishin të organizuar dhe vetëdijesuar si asnjëherë më parë për të kërkuar liri dhe barazi kushtetuese sikur popujt tjerë.

“Sot më 11 mars shënojmë 40-vjetorin e demonstratave të fuqishme studentore, të cilat u bënë edhe gjithë popullore në ballë të së cilave, përveç studentëve, ishin edhe punëtorët. Asokohe, studentët u organizuan nga mensa, konviktet, universiteti për të drejtat e shqiptarëve për Kushtetutën dhe Kosovën në mënyrë që edhe ajo të jetë e barabartë përmes statusit të Republikës. Demonstratat e vitit 1981, sikurse edhe çdo grup tjetër të demonstratave në historinë e shqiptarëve ndodhet ndërmjet demonstratave të vitit 1968 për universitet dhe demonstratave të vitit 1988-1989, kundër suprimimit të autonomisë. Por e veçanta e demonstratave të vitit 1981 është se studentët ishin të organizuar dhe vetëdijesuar si asnjëherë më parë dhe në këtë mënyrë në emër të Kosovës kërkonin jo thjesht liri, por edhe barazi kushtetuese me popujt dhe Republikat tjera”, tha Kurti .

Të përkujtojmë se në ato demonstrata shërbimi policor pas intervenimit brutal ndaj studetëve të revoltuar paraburgosi një numër të madh të tyre. Kjo ndërhyrje shkaktonë demostratën e organizuar të studentëve më 11 mars e cila po ashtu shtypet me dhunë dhe parabugosen disa student. Më këtë fillon edhe zinxhiri i demostratave të 81-ës. Si pasojë rrjedhin tubimet e njohura si “Demonstratat e Punëtorëve” në të cilat punëtorët kërkonin lirimin e studentëve të burgosur. Përsëri, organet shtetërore intervenojnë me tërë brutalitetin e tyre. Gjatë këtyre tubimeve, armata Jugosllave paraqet prezencën e saj. Pas dy muajsh në territorin e “Krahinës Socialiste të Kosovës” vendoset “Gjendja e jashtëzakonshme” e më vonë edhe shtetrrethimi. Ky zinxhir vazhdoi deri me fillimin e luftës në Kosovë

Image
Image
Image
Image

 

Shfaq komentet
comments powered by Disqus
Sot mund të lexoni Shfletoni kopertinat