Janë sekuestruar 860 kilogramë duhan në tregjet dhe magazinat në një operacion të përbashkët të kryer dje në territorin e Shkupit nga Departamenti për hetime – Sektori për kontroll dhe hetime pranë Drejtorisë Doganore, Departamenti për polici kriminalistike pranë MPB-së dhe Inspektoratit të Tregut.
Drejtoria Doganore, sot kumtoi se kanë sekuestruar produktet që shiten në mënyrë të paligjshme dhe që janë mallra akcize.
“Në aksion u sekuestruan 860 kilogramë duhan, i cili u gjet në tregjet dhe magazinat të tjera. Kjo shmang detyrimet në vlerë prej 1.763.000 denarë. Kundër autorëve do të ngrihen akuza të përshtatshme”, thuhet në kumtesën e Drejtorisë Doganore.
