“Zjarri në Trubarevë”, caktohet masa e paraburgimit për katër persona

Maqedonia

“Zjarri në Trubarevë”, caktohet masa e paraburgimit për katër persona

Më: 15 shtator 2025 Në ora: 10:05
Foto ilustrim

Gjykatësi i procedurës paraprake pranë Gjykatës Themelore Penale të Shkupit ka urdhëruar masë paraburgimi prej 48 orësh për katër të dyshuar për zjarrin në Trubarevë.

Personat në fjalë dyshohen për veprën penale “Rrezikimi i mjedisit jetësor dhe ambientit me mbeturina”.

“Gjykatësi i procedurës paraprake duke vepruar në bazë të propozimit të Prokurorisë Publike – Shkup caktoi masën e paraburgimit për 4 persona: V.M., Z.S., M.D. dhe L.D.”, njoftojnë nga Gjykata.

Ndërkohë që opinioni është në pritje të rezultateve nga matja e ndotjes të kryera nga Ministria e Mjedisit dhe Planifikimit Hapësinorë.

comment Për komente lëvizni më poshtë
Sot mund të lexoni Shfletoni kopertinat