Për herë të parë që nga viti 2014 dhe fillimi i negociatave për anëtarësimin në Bashkimin Evropian, Serbia nuk do të hapë ndonjë kapituj të ri gjatë një viti kalendarik. Edhe nëse konkluzionet mbi Ballkanin Perëndimor nuk u bllokuan në Bruksel për shkak të konfliktit midis Sofjes dhe Shkupit, ato nuk parashikojnë hapjen e kapitujve të rinj me Serbinë. Ekspertët për Bashkimin Evropian deklarojnë se ky është një sinjal i qartë se unioni nuk është i kënaqur me situatën politike në Serbi, veçanërisht kur bëhet fjalë për sundimin e ligjit, gjyqësorin dhe lirinë e mediave, shkruan N1.
Lajmi i mirë për eurodeputeten gjermane Viola von Cramon për Serbinë është i keq dhe shqetësues, thotë Sërgjan Majstoroviq i Qendrës për politika e vropiane (CEP). Por, shton ai, kjo është vetëm pasojë e problemeve që janë shtyrë nën qilim për vite me rradhë, dhe ato u referohen vlerave themelore të Bashkimit Evropian, të cilat nuk respektohen në Serbi.
"Natyrisht, vendi ynë si kandidat i ka këto probleme edhe kur bëhet fjalë për gjyqësorin e pavarur dhe mediat - të cilat nuk guxojnë të raportojnë në mënyrë kritike, deri në ndikimin dhe presionin mbi komunitetin akademik. Këto janë të gjitha temat që tani do të jenë më shumë në fokues dhe në bazë të të cilave do të merren vendime për përparimin e Serbisë. Një pjesë e arsyes pse Serbia nuk po hap asnjë kapituj mund të gjendet në faktin se nuk ka besim se Serbia është angazhuar sinqerisht për anëtarësim në Bashkimin Evropian", thotë Majstoroviq për N1-në.
Përveç sundimit të ligjit, dy grupe të tjera jaë çështje mosmarrëveshjesh midis Serbisë dhe BE-së, sipas Marko Savkoviqit nga Fondit i Beogradit për përsosmëri politike. Politika e jashtme, në të cilën Serbia shpesh vendos krejtësisht ndryshe nga Bashkimi Evropian, si dhe çështja e përjetshme e Kosovës - në të cilën nuk ka përparim përsëri.
"Ekziston një nevojë e fortë, mendoj e qarqeve qeverisëse në Serbi, që kjo pamje mjaft e keqe të ndryshojë. Epo, ne gjithashtu e patëm këtë situatë me Kuvendin, kështu që Ursula von der Layen u desh të reagonte. Ne do të shohim nga janari nëse do të jetë kështu." , deklaron Savkoviq.
Kjo është arsyeja pse vazhdimi i paralajmëruar i dialogut midis qeverisë dhe opozitës nën patronazhin e Parlamentit Evropian është zgjidhja e vetme për Serbinë, përfundon studiuesi i Qendrës për politika Evropiane, Strahinja Subotiq.
"Bashkimi Evropian është i pakënaqur me mënyrën se si Serbia zhvilloi zgjedhjet këtë vit. Komisioni Evropian tregon qartë se partia në pushtet, së bashku me mediat kryesore, shtypi opozitën dhe kështu parandaloi zgjedhjet e ndershme," kujton Subotiq.
Ndihma vjetore e Bashkimit Evropian për Serbinë përmes dhurimeve dhe fondeve të ndryshme të para-anëtarësimit matet në dhjetëra miliona euro. Më shumë se 60 përqind e eksporteve të Serbisë vijnë nga ndërmarrjet evropiane që kanë investuar në Serbi.
