“Të korruptuarit të marrin dënimin e merituar, 14 shkurti, rast i volitshëm për qytetarët”

Politika

“Të korruptuarit të marrin dënimin e merituar, 14 shkurti, rast i volitshëm për qytetarët”

Nga: G.B Më: 29 janar 2021 Në ora: 15:30
Ilustrim

Korrupsioni në Kosovë vazhdon të jetë i lartë.

E nga ai ka dhe pasoja, ku sipas raportit të e Transparency Internacional, Kosova është tre vende më ulët se vitin e kaluar.

Në anën tjetër, korrupsioni po bën që të mos ketë liberalizim të vizave për qytetarët e Kosovës dhe që Kosova të kritikohet për mos luftimin e kësaj dukurie.

Lidhur me këtë, njohësi i çështjeve politike, Skënder Zogaj, ka thënë për gazetën “Bota sot” se korrupsioni po vazhdon t'ia gërryejë "mushkëritë" shoqërisë së Kosovës dhe kështu po e mban peng realizimin e plotë të lirisë dhe pavarësisë së shtetit të Kosovës.

“Edhe pa raportin e Transparency Internacional është i ditur niveli i lartë i korrupsionit që po vazhdon t'ia gërryejë "mushkëritë" shoqërisë kosovare, duke mbajtur peng realizimin e plotë të lirisë dhe pavarësisë së shtetit të Kosovës”, është shprehur ai.

Image
Skënder Zogaj

Zogaj e quan dështim madhor të turpshëm për shqiptarët e Kosovës, vendosjen e Kosovës në grup me korrupsion të lartë dhe kjo sipas tij është arsyeja që BE me të drejtë po na mban të izoluar nga bota.

“Raporti i Transparency Internacional se Kosova është në grupin e vendeve me korrupsion të lartë dhe pa përparim në luftimin e korrupsionit, është një dështim madhor i turpshëm për shqiptarët e Kosovës, të cilët kanë dështuar në realizimin e detyrës kryesore kombëtare e shtetërore, pra kemi dështuar në planin e vetëqeverisjes. Kjo është arsyeja që BE -ja me të drejtë po na mbanë të izoluar nga bota”, ka vlerësuar Zogaj.

Mënyra e ndryshimit të kësaj thotë se është vota dhe qytetarët e kanë rastin me 14 shkurt ta bëjnë këtë dhe të korruptuarit duhet ta marrin dënimin e merituar.

“Prandaj, është koha e fundit që qytetarët e Kosovës duhet ta kuptojnë dhe të angazhohet për ndryshimin e gjendjes. Mënyra kryesore e ndryshimit të gjendjes është vota, që nuk guxon t'u jepet strukturave të krimit e korrupsionit, siç ka ndodhur deri më tani! Zgjedhjet e 14 shkurtit janë rast shumë i volitshëm për fillimin të përmirësimit të gjendjes! Duke qenë se të korruptuarit dihen saktësisht me emër dhe mbiemër, është koha që të marrin dënimin e merituar demokratik përmes votës së lirë! Kjo është detyra e shenjtë e qytetarëve shqiptarë të Kosovës kundër korrupsionit, nëse duan që Kosova të gëzojë liberalizimin e vizave”, ka deklaruar Skënder Zogaj për “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat