Çfarë po ndodhë me PZAP? Juristi befasohet me vendimet e shpejta – kërkon ndërhyrjen e shpejt të Prokurorisë!

Politika

Çfarë po ndodhë me PZAP? Juristi befasohet me vendimet e shpejta – kërkon ndërhyrjen e shpejt të Prokurorisë!

Nga: A.Z Më: 21 tetor 2021 Në ora: 22:44
Foto ilustrim

Paneli Zgjedhor për Ankesa dhe Parashtresa (PZAP) ka vendosur të anulojë zgjedhjet për kryetar të komunës në Hanin e Elezit, pasi në këtë komunë dyshohet se ka pasur shitblerje të votave.

Në lidhje me këtë zëdhënësi i PDK-së, Faton Avdullahu tha se PZAP-ja ka bërë përpjekje për të anuluar vullnetin e mijëra votuesve në Han të Elezit. Avdullahu këtë vendim e quajti të tillë që tenton të cenojë rëndë demokracinë dhe minon zgjedhjet demokratike.

“Sot, PZAP – ka marrë një vendim i cili është i pashembullt, vendim i cili tenton të cenojë rëndë demokracinë dhe minon zgjedhjet demokratike. Me këtë vendim, PZAP-ja ka bërë përpjekje për të anuluar vullnetin e mijëra votuesve në Han të Elezit për kandidatin e PDK-së. Ankesa e cila ndikoi për këtë vendim, përveç se është e pa afatshme, nuk ka përmbajtur asnjë ankesë të qytetarëve, të asnjë vëzhguesi apo komisioneri”, tha Avdullahu.

Lidhur me këtë, juristi Blerim Burjani, ka deklaruar se marrja e vendimit të shpejtë për të anuluar zgjedhjet, bënë të duket sikur të kenë pasur informata, andaj edhe e quan vendim interesant, sepse Burjani thekson se lidhur me këtë kërkohen fakte.

“Më ka bërë përshtypje reagimi i shpejt në nxjerrjen e vendimit për anulim të këtyre zgjedhjeve në këtë komunë, sikur me pas informata në ditën e zgjedhjeve, prokuroria duhet të jetë shumë aktive, anulim të zgjedhjeve në këtë nivel kanë ndodhur në zgjedhjet lokale në vitin 2009. Reagimi i PZAP është mjaft interesant se zakonisht kërkohen së paku shumë informata, shumë fakte, pra duhet në diçka të mbështetet ky vendim pra cilat janë provat? A janë arrestuar personat që janë të lidhur me votimet? Dhe shumë gjëra të tjera”, potencoi Burjani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat