Presioni serb për Asociacionin/ Analisti tregon se kush janë shkaktarët kryesor të situatës me dialogun

Politika

Presioni serb për Asociacionin/ Analisti tregon se kush janë shkaktarët kryesor të situatës me dialogun

Nga: A.Z Më: 26 tetor 2021 Në ora: 22:59
Kurti dhe Vuçiq

Kryetari i Komisionit Parlamentar për Kosovën në Kuvendin e Serbisë, Milovan Dreçun, ka paralajmëruar se Lista Serbe mund të tërhiqet nga institucionet e Kosovës.

Profesori universitar Fadil Maloku, ka reaguar pas këtij paralajmërimi të Listës Serbe se do të tërhiqen nga institucionet e Kosovës.

Maloku shkruan se tash do të kërcënojnë për krijimin e Zajednicës.

Lidhur me këtë, analisti Sulejman Mehazi, në një prononcim për “Bota sot” ka thënë se qeverisja nga tipat e Jahjagës, Thaçit dhe Mustafës, janë fajtorët kryesorë të kësaj situate.

“Profesori Fadil Maloku shpreh brengën e madhe të asociacioneve të komunave serbe në Kosovë, paralajmëron se kjo plagë politike e dhuruar nga politikanët e papërgjegjshëm të Kosovës gjatë qeverisjes, 2013-2015, të tipave të ish-kryetares së "zarfit" Atifete Jahjaga të Hashim Thaçit e Isa Mustafës janë fajtorët kryesor të dialogut të papërfunduar Kosovë-Serbi. Pikërisht shkaku i daljes së ministrit të Listës Serbe, Goran Rakiq, nga qeveria e Kurtit është shkak i fajit të qeverisë së Mustafës që pranoi asociacionet serbe më 2015”, theksoi Mehazi.

Image
Sulejman Mehazi

Më tej, ai ka theksuar se qëllimi i largimi të Rakiqit nga Qerveria është për të destabilizuar Kurtin, me anë të asociacioneve serbe në Kosovë.

Mehazi tutje shtoi, se e keqja e dialogut është, “Zajednica”, kështu duke e vënë Kurtin në atë pozitë se a të pranonte apo jo kërkesat e serbëve.

“Largimi i kushtëzuar i Listës serbe nga qeveria i jep shkas Serbisë të manipulojë me situata provokuese politike e diplomatike, dhe se ky largim i Goran Rakiqit nga qeveria e Kurtit është e qëllimishme vetëm për të destabilizuar e sulmuar kryeministrin Kurtin me anë të asiciacioneve serbe në Kosovë. Largim i Listës serbe nga qeveria e Kurtit është largim i nxitjeve apo fesateve serbe-kosovare për shkak "Zajednicës" së nënshkruar nga politikanët e shitur kosovarë të viteve 2015”, u shpreh ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat