Gjatë ditës së djeshme në Kosovë u mbajten zgjedhjet në qytetet ku shkuan në balotazh, përfshirë këtu edhe kryeqytetin, Prishtinën.
Në këto zgjedhje, Lëvizja Vetëvendosje me komuna doli me numrin më të vogël, e kjo po shihet nga analistët si humbje e madhe për këtë parti, pasi që, në zgjedhjet e 15 shkurtit thyen rekorde duke fituar mbi 50%.
Këto zgjedhje vlerësohen se ishin demokratike si asnjëherë më parë.
Kështu thotë edhe analisti politik, prof. dr. Sulejman Mehazi.
Gjatë ditës së djeshme në Kosovë u mbajten zgjedhjet në qytetet ku shkuan në balotazh, përfshirë këtu edhe kryeqytetin, Prishtinën.
Në këto zgjedhje, Lëvizja Vetëvendosje me komuna doli me numrin më të vogël, e kjo po shihet nga analistët si humbje e madhe për këtë parti, pasi që, në zgjedhjet e 15 shkurtit thyen rekorde duke fituar mbi 50%.
Këto zgjedhje vlerësohen se ishin demokratike si asnjëherë më parë.
Kështu thotë edhe analisti politik, prof. dr. Sulejman Mehazi.
“Pikësëpari vlen të përmendet se Zgjedhjet Lokale në Kosovë kanë qenë si asnjëherë më parë më demokratike dhe se qytetarët pa pengesa e pa farë imponimesh e ndikimesh shtetërore kanë votuar ashtu si kanë dashur vetë e jo Albin Kurti e qeveria e tij”, thotë Mehazi për gazetën “Bota sot”.
Ai thotë se në këto zgjedhje nuk fitoi LVV-ja, por fitoi demokracia.
“Lirisht mund të themi se në këto Zgjedhje Lokale nuk fitoi LVV-ja e Albin Kurtit në pushtet, po fitoi demokracia shtetërore, se qeverisjet e pushteti nuk janë më të vlefshme se liria e demokracia e qytetarëve”, thotë ai.
Sipas tij, kryeministri Albin Kurti sakrifikoti veten për Kosovën.
“Se për hirë të demokracisë kryeministri Albin Kurti dhe LVV-ja e tij sakrifikuan veten vetëm e vetëm Kosovës t'ia jep autoritetin e një shteti më demokratik në Ballkanin Perëndimor, dhe, se vota e lirë e qytetarëve është më e vlefshme se qeveria e Kosovës. Se në Kosovë fitoi demokracia e humbi partia në pushtet e LVV-së. Fituan qytetarët e Republika e Kosovës e humbi qeveria, fitoi vota e lirë e qytetarëve e jo dhuna, shantazhet qeverisëse shtetërore”, potencon Mehazi.
Profesori shton se, në këto zgjedhje humbi partia në pushtet LVV-ja, pasi konkuroi e vetme dhe pa koalicione.
“Pra, në këto Zgjedhje Lokale fitoi Kosova demokratike e humbi vetëm partia në pushtet e LVV-së, për shkak moskujdesjes e mos përvojës koalicionuese me partitë tjera. Derisa partitë tjera nuk rrinin duarkryq LDK, PDK e AAK duke koalicionuar në mes veti, LVV-ja konkuroi e vetmuar gjatë këtyre Zgjedhjeve Lokale, prandaj dhe doli humbësja më e madhe e Zgjedhjeve Lokale”, shton ai.
Ai këtë e quan kryeneqësi të LVV-së dhe gabim të madh të Albin Kurtit.
“Kryeneqësia politike e LVV-së e bëri që të gjitha partitë tjera të dalin fituese, përveç LVV-së. Gabimin më të madh Albin Kurti e bëri në Prishtinë që nuk bëri koalicion me asnjë parti për të fituar qytetin më kryesor të Kosovë, i duhej vetëm një bashkëpunim, p.sh. me AKR-në e vogël në kryeqendër e do fitonte, po lehtësisht ia dha Prishtinën LDK-së e cila ishte në përkrahje të PDK-së e AAK-së”, thekson profesori.
Mehazi thotë se në balotazh pa koalicione nuk fitohen as Parisi, Londra e Berlini.
“Nuk mban mend bota zgjedhore që gjatë balotazheve kryeqendrat të fitohen pa koalicione, nuk mund të fitohen në balotazh Parisi, Berlini, Ushingtoni, Viena, Londra, Tirana, Shkupi, Sofja, Athina pa koalicione partiake, me veprimet vetanake LVV-ja na bënte me dije që më parë se do humbë qytetin kryesor, Prishtinën”, shton tutje ai.
Mehazi shton se, fituese e këtyre zgjedhjeve është LDK-ja me Lumir Abdixhikun.
“Partitë që fitojnë kryeqendrat dalin fituese të zgjedhjeve lokale, në këtë rast fituese e zgjedhjeve është LDK-ja e Abdixhikut me Përparim Ramën në krye të Prishtinës”, thotë ai.
Ai shton se, jo vetëm në Prishtinë, por edhe në komunat tjera si e vetmuar LVV-ja ka humbur.
“Kjo vetmi e LVV-së gjatë zgjedhjeve ju ka dhënë forcë bashkëpunimi të gjitha partive opozitare për të fituar, sa që ka forcuar edhe AAK-në me aq komuna të fituara sa edhe LVV-ja. Nuk fitohen komunat një kundër të gjithëve, po me koalicione partishë”, përfundon prof. dr. Sulejman Mehazi.
