“Mustafa e harroi LDK-në”

Politika

“Mustafa e harroi LDK-në”

Nga: A.M. Më: 28 nëntor 2021 Në ora: 15:25
Isa Mustafa

Edhe pse ka disa muaj që nuk është kryetar i Lidhjes Demokratike të Kosovës, Isa Mustafa vazhdon të merr kritika për punën e tij.

Gjithashtu, ai vazhdon të kritikohet edhe për bashkëpunimin e tij më Partinë Demokratike të Kosovës, më të cilën ishte edhe në koalicion.

Përveç kritikave ndaj Mustafës, profesori Binak Maxharraj ka folur edhe për ish presidentin e Kosovës, Hashim Thaçin i cili gjendet në Hagë.

Ai ka folur edhe për idenë e shkëmbimit të territoreve, të cilën e proklamoi Thaçi.

“Përfshirja Hashim Thaçit në aferat e ndryshme pro ruse-serbe për ndarjen e Kosovës e cila nuk u realizua falë Zotit, Angela Merkelit dhe arrestimit të tij të koordinuar. U heqë qafe Hashim Thaçi për këtë tradhti që po ia përgatiste vendit, e cila bëhej në pajtueshmëri të plotë me disa figura si Baltoni, Palmeri dhe Grenell, si proserb dhe miq të Serbisë.

Pastaj, Thaçi dhe Mustafa nuk u ndalën me kaq ata me nënshkrimin e Marrëveshjeve të dëmshme për Kosovën, nder të cilat Marrëveshja për Asociacionin e komunave me shumicë serbe, të cilin e nënshkroi se pari, Hashim Thaçi me 2013,kurse të dytën me kompetenca ekzekutive Isa Mustafa më 2015 të cilën Gjykata kushtetuese e rrëzoi në 25 nene të saj, sepse cenonte sovranitetin dhe integritetin e shtetit.

Të gjitha këto afera dhe skandale e rënduan shumë situatën politike në vend, por edhe arrestimi i kreut të PDK, Veselit, por edhe skandalet e brendshme në LDK, ku Isa Mustafa ia ktheu shpinën për dhjetë vite LDK-së duke u bërë patericë e PDK. Duke bërë lidhje dhe pazare te pista, duke shkaktuar përplasje të brendshmen të krerëve të LDK-së sidomos me Vjosa Osmanin e cila me ngulim i mbronte parimet dhe qëndrimet e LDK-së, ndaj Isa Mustafes i cili për hire të Thaçit dhe interesave të tij klanore gati se e ”harroi” LDK”, ka deklaruar Maxharraj për “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat