Ministri i Punëve të Brendshme i Serbisë, Aleksandar Vulin së fundmi ka provokuar me pretendimet se masakra ndaj civilëve shqiptarë në fshatin Reçak në Kosovë, më 1999, ka qenë “një gënjeshtër e madhe dhe një falsifikim i tmerrshëm”.
Pas një vizite në një zonë pranë Nishit, ku po bëhen xhirime të një seriali për ngjarjet në fshatin Reçak, Vulin tha se “pretendimi për masakrën është një fyerje e madhe për mbarë njerëzimin”.
Masakra, në të cilën forcat serbe kanë vrarë 45 civilë shqiptarë në janar të vitit 1999, ka qenë një nga momentet vendimtare për nisjen e bombardimeve të NATO-s kundër caqeve të ushtrisë serbe, më 24 mars, 1999.
“Agresioni i NATO-s filloi pas një gënjeshtre të tmerrshme për Reçakun. Në atë kohë, ne nuk ishim as të aftë e as të zgjuar për t’i treguar të gjithë botës se çfarë gënjeshtre e tmerrshme ishte. Detyra e kësaj gjenerate është t’i tregojë të gjithë botës se na bombarduan dhe na bënë kriminelë falë gënjeshtrave, kurse gjaku i fëmijëve tanë është mbi ata që e shpikën këtë gënjeshtër”, ka thënë ministri serb.
Vulin ka marrë reagime të ashpra nga Departamenti i Shtetit Amerikan dhe nga BE-ja. SHBA-të e kanë akuzuar për madhërim të krimeve të luftës, gjë që përveç se sjellë dhimbje për të mbijetuarit, ‘çnderon viktimat’.
Ministri i Punëve të Brendshme i Serbisë, Aleksandar Vulin së fundmi ka provokuar me pretendimet se masakra ndaj civilëve shqiptarë në fshatin Reçak në Kosovë, më 1999, ka qenë “një gënjeshtër e madhe dhe një falsifikim i tmerrshëm”.
Pas një vizite në një zonë pranë Nishit, ku po bëhen xhirime të një seriali për ngjarjet në fshatin Reçak, Vulin tha se “pretendimi për masakrën është një fyerje e madhe për mbarë njerëzimin”.
Masakra, në të cilën forcat serbe kanë vrarë 45 civilë shqiptarë në janar të vitit 1999, ka qenë një nga momentet vendimtare për nisjen e bombardimeve të NATO-s kundër caqeve të ushtrisë serbe, më 24 mars, 1999.
“Agresioni i NATO-s filloi pas një gënjeshtre të tmerrshme për Reçakun. Në atë kohë, ne nuk ishim as të aftë e as të zgjuar për t’i treguar të gjithë botës se çfarë gënjeshtre e tmerrshme ishte. Detyra e kësaj gjenerate është t’i tregojë të gjithë botës se na bombarduan dhe na bënë kriminelë falë gënjeshtrave, kurse gjaku i fëmijëve tanë është mbi ata që e shpikën këtë gënjeshtër”, ka thënë ministri serb.
Vulin ka marrë reagime të ashpra nga Departamenti i Shtetit Amerikan dhe nga BE-ja. SHBA-të e kanë akuzuar për madhërim të krimeve të luftës, gjë që përveç se sjellë dhimbje për të mbijetuarit, ‘çnderon viktimat’.
Por, Vulin ka vazhduar edhe pas kësaj të propagandojë se Masakra e Reçakut, është një falsifikim.
Vulin pritet të jetë në listën e zezë të SHBA-ve, që do të shpallet vitin tjetër.
Për shkak të këtyre deklarimeve në shkrimin e tij kundërshtues të propagandës serbe, dje kryeredaktori i gazetës “Bota sot”, Idriz Morina, u ka kërkuar institucioneve të Kosovës, që ta padisin Vulinin për mohimin e krimeve të luftës.
Lidhur me këtë, për "Bota sot", kanë folur edhe disa njohës të çështjeve politike.
“Deklaratë e bërë me urdhër të Vuçiqit”
Analisti Faton Mehmeti, ka deklaruar se deklarata e tij është bërë me urdhrin e Vuçiqit, andaj sipas tij, këto deklarata të tilla duhet të dënohen.
Madje, sipas Mehmetit, duhet t’i ndalohet hyrja Vuçiqit dhe Vulinit në Kosovë.
“Nuk është e paqëllimshme dhe as e rastësishme kjo deklaratë e Vulinit. Kjo gjë është bërë me urdhër të Vuçiqit për të provokuar situatën, dhe për të matur pulsin e shqiptarëve dhe ShBA-së. Është skandaloze ky reagim i Vulinit, njësoj siç ishte më parë edhe i Vuçiqit, në këtë kuptim duhet thënë se këto deklarata jo vetëm duhet të dënohen, por edhe të procedohet edhe më shumë. Kosova duhet t'ia ndaloj hyrjen në Kosovë përgjithmonë Vuçiqit dhe Vulinit, dhe të gjithë atyre që e quajnë trillim masakrën e Reçakut”, tha ai.
Tutje theksoi se Kosova në reagime kundër Serbisë duhet të jetë unike, si dhe duhet ta paditë Vulinin dhe Vuçiqin për deklarime të rrejshme.
“Serbia, është po e njëjta që edhe Srebrenicën e ka mohuar, nuk ndryshon asgjë Vuçiqi nga Millosheviqi, janë njësoj. Kosova duhet të jetë unike në reagimin e saj ndaj Serbisë, vetëm duke qenë të bashkuar mund të mposhtim Serbinë në propagandën e saj, jo vetëm në rastin e Reçakut, por edhe në tërësi. Kosova duhet të paditë Vulinin dhe Vuçiqin për deklarime të rrejshme, si hapi i parë, me hapat tjerë që duhet të jenë në harmoni me veprimet e tyre”, ka shtuar Mehmeti.
“Qeveria e Kosovës të ngrejë padi ndaj akteve të tilla serbe”
Lidhur me këtë, analisti politik Gani Qarri, në një prononcim për “Bota sot”, ka deklaruar se njëra nga argumentet më të fuqishme të krimeve serbe është masakra e Reçakut, madje sipas tij, kjo mbetet njëra nga dëshmitë se sa e rëndë ishte historia e Kosovës gjatë okupimit serb.
“Siç dihet tanimë nga bota mbarë, masakra e tmerrshme antinjerëzore e Reçakut, ishte njëra nga argumentet më të fuqishme të krimeve barbare dhe gjenocidit të pashembullt brutal të Serbisë okupatore, që çoi në vendimin e SHBA-ve dhe forcave të NATO-s, për bombardimin e forcave kriminale okupatore serbe, në Kosovë. Madje kundër veprimeve të tilla gjakatare të një shteti okupator si Serbia, të cilat nuk kursyen mjet as mënyrë deri tek ato më të përgjakshmet dhe barbaret për shfarosjen e një populli të tërë, si shqiptarët, të cilët luftonin për liri dhe çlirimin e Kosovës as që kishte rrugëdalje tjetër veprimi nga bota demokratike. Masakra e Reçaku, është dhe mbetet një prej shembujve më të përgjakshëm e tragjik, që të gjitha gjeneratave, u dëshmon se sa e rëndë dhe e vështirë ishte historia rreth njëshekullore e okupimit të Kosovës nga Serbia, si dhe vuajtjet e sakrificat e pafund, që u dashtë të kalonin shqiptarët liridashës, të cilët nuk e pranuan kurrë pushtimin serb dhe u ngritën për çlirimin dhe pavarësinë përfundimtare të vendit të vet nga okupimi serb”, thotë ai.
Serbët nuk kanë mundur ta mposhtin vullnetin e shqiptarëve
Tutje u shpreh se serbët kurrë nuk kanë mundur ta mposhtin vullnetin e shqiptarëve për liri, madje edhe plani i tyre gjenocidal dështoi, ndërsa tani Vulin deklaron pa pasur turp, duke e quajtur trillim masakrën e Reçakut.
“Ndaj pasi që as terrori më barbar dhe masakrat më të përgjakshme serbe kurrë nuk mundën ta mposhtnin vullnetin e shqiptarëve për liri, i bindur tanimë se krimi në Reçak, megjithëse u krye me qëllimin, për të masakruar sa më shumë civil të pambrojtur dhe për ta vrarë besimin e popullit shqiptar për liri, plani i tyre gjenocidial, për spastrim etnik dhe shfarosjen e shqiptarëve pa zgjedhur viktimat, duke vrarë edhe pleq, gra e fëmijë të pafajshëm, dështoi. Njëri nga eksponentët më agresiv dhe antishqiptar i përbetuar, si Vulini, deklaron pa fije turpi, se kinse masakra e Reçakut, na qenka edhe trillim, akt barbar në të cilin mbarë bota e pa të vërtetën e okupimit tragjik të Kosovës nga Serbia, si dhe gatishmërinë e një populli të shumëvuajtur nën okupim që kishte vendosur të paguante edhe çmimin më të lartë, për çlirimin dhe pavarësimin përfundimtar të Kosovës”, shtoi Qarri.
Më tej tha se urrejtjen e madhe ndaj shqiptarëve e dëshmon edhe më shumë mbajtja peng e trupave të viktimave shqiptarë në Serbi, por që aktet e tyre barbare na rritën edhe më tepër vullnetin për mbrojtje territoriale.
“Masakra e Reçakut dhe mbajtja peng e trupave të viktimave të vrara e të kidnapuara shqiptare në Serbi edhe pas më tepër se 22 vitesh nga përfundimi i luftës, dëshmon edhe një herë më tepër, urrejtjen e pafund ndaj shqiptarëve dhe pasqyron më së miri etjen e kriminelëve për gjak, akte barbare të cilat e rritën edhe më tepër vullnetin e shqiptarëve për çlirim dhe na bënë edhe më të vendosur, për mbrojtjen e tërësisë territoriale edhe sot, nga pretendimet aktuale të Serbisë okupatore, për gllabërimin e tokave më vitale të Republikës së Kosovës”, thotë Qarri.
Ai shtoi se për të treguar fytyrën e tyre, kanë paralajmëruar edhe xhirimin e një filmi, me ç’rast duke e shpallur masakrën si të pa-qenë.
Vulin duhet të sanksionohet sipas ligjeve më të rrepta
Tutje u shpreh se Qeveria e Kosovës së bashku me ndihmën e miqve duhet të ngritë padi tek të gjitha institucionet për dënimin e akteve të tilla serbe.
“Madje për ta treguar fytyrën e saj të vërtetë dhe manipulu me fakte të argumentuara nga mbarë bota, Serbia okupatore, këto ditë paralajmëroi edhe xhirimin e një filmi, alla-serb*, për shpalljen e kësaj masakre, si të "pa-qenë", pra edhe një akt tjetër antinjerëzor, kundër vuajtjeve dhe përjetimeve të shqiptarëve nga okupimi dhe gjenocidi barbar serb, ndaj jo vetëm që nuk mjafton vetëm reagimi i SHBA-ve dhe BE-së, por Serbia dhe Vulini, as që guxon të mbetet vetëm me këtë përgjigje gjysmake e të mangët. Qeveria e Kosovës, përkundrazi duhet të vihet urgjentisht në veprim, me të gjitha kapacitetet e veta, si dhe ndihmën e miqve tanë, të bëjë ngritjen e menjëhershme të padive kudo që është e mundur dhe tek të gjitha institucionet ndërkombëtare, për dënimin e akteve të tilla të Serbisë”, shtoi Qarri.
Më tej ka deklaruar se Vulin duhet të sanksionohet sipas ligjeve më të rrepta, si dhe të akuzohet botërisht për deklarime të rrejshme lidhur me krimet serbe, masakrat barbare dhe gjenocidin ndaj civilëve të pambrojtur shqiptar, në shtëpitë dhe trojet e veta autoktone.
