Lidhja Demokratike e Kosovës e ka caktuar Lutfi Hazirin si përgjegjës për çështje të dialogut në rajon, por edhe Kosovë-Serbi. Haziri është ndoshta i vetmi në këtë subjekt politik që shkëmbimin e territoreve e sheh si zgjidhjen e qëndrueshme dhe të përhershme në bisedimet me Serbinë.
Ai nuk ka votuar pro një platforme për dialogun, të cilën LDK-ja në maj ia kishte ofruar kryeministrit Albin Kurti, e ku përfshihej mbrojtja e integritetit territorial të vendit.
Haziri ka thënë se veçse ka filluar të përgatitet për ta mbuluar këtë çështje të rëndësishme. Këtë tha se ia ka kërkuar kryetari i LDK-së, Lumir Abdixhiku.
“LDK-ja e ka historinë e dialogut tash e 30 vjet-31 vjet. E bartë atë histori me vete dhe unë jam i nderuar që në këtë fazë të procesit me qenë përgjegjësi dhe i deleguari kryesor në këtë çështje, e cila do të duhej me qenë edhe prioritet kryesor”, ka deklaruar Haziri.
Nënkryetari i LDK-së, i cili tha se ka një zhvillim regjional dhe ndërkombëtar rreth një mobilizimi më të madh për çështjen e Ballkanit Perëndimor, ku në fokus është dialogu Kosovë-Serbi, u shpreh i bindur se kompromiset më të dhimbshme janë kaluar në Rambuje dhe Vjenë. Ai tha se do ta mbrojë parimin e shumicës brenda partisë, e cila është pajtuar për një platformë që përmban mbrojtjen e integritetit territorial, ruajtjen e karakterit unitar të Kosovës dhe rendit kushtetues.
Lidhja Demokratike e Kosovës e ka caktuar Lutfi Hazirin si përgjegjës për çështje të dialogut në rajon, por edhe Kosovë-Serbi. Haziri është ndoshta i vetmi në këtë subjekt politik që shkëmbimin e territoreve e sheh si zgjidhjen e qëndrueshme dhe të përhershme në bisedimet me Serbinë.
Ai nuk ka votuar pro një platforme për dialogun, të cilën LDK-ja në maj ia kishte ofruar kryeministrit Albin Kurti, e ku përfshihej mbrojtja e integritetit territorial të vendit.
Haziri ka thënë se veçse ka filluar të përgatitet për ta mbuluar këtë çështje të rëndësishme. Këtë tha se ia ka kërkuar kryetari i LDK-së, Lumir Abdixhiku.
“LDK-ja e ka historinë e dialogut tash e 30 vjet-31 vjet. E bartë atë histori me vete dhe unë jam i nderuar që në këtë fazë të procesit me qenë përgjegjësi dhe i deleguari kryesor në këtë çështje, e cila do të duhej me qenë edhe prioritet kryesor”, ka deklaruar Haziri.
Nënkryetari i LDK-së, i cili tha se ka një zhvillim regjional dhe ndërkombëtar rreth një mobilizimi më të madh për çështjen e Ballkanit Perëndimor, ku në fokus është dialogu Kosovë-Serbi, u shpreh i bindur se kompromiset më të dhimbshme janë kaluar në Rambuje dhe Vjenë. Ai tha se do ta mbrojë parimin e shumicës brenda partisë, e cila është pajtuar për një platformë që përmban mbrojtjen e integritetit territorial, ruajtjen e karakterit unitar të Kosovës dhe rendit kushtetues.
“Unë jam i bindur që kompromiset politike kanë përfunduar me Vjenën. Krejt këto që janë më vonë janë të vogla, janë të përballueshme dhe nuk e cenojnë tërësinë territoriale, as institucionin, as karakterin unitar të Kushtetutës dhe të Republikës”, tha Haziri. “Përkundër qëndrimit tim, unë jam i prirur me e mbrojtë parimin e shumicës dhe platforma e LDK-së është e qartë në këtë drejtim, të cilën unë e mbështes deri në fund”, tha ai.
Lidhur me këtë, për “Bota sot”, kanë folur edhe me disa njohës të çështjeve politike.
“Nuk ka fuqi ta copëtoj Kosovën”
Analisti politik Rexhep Shahu, ka potencuar se Haziri nuk mendohet se është antikombëtar apo partizan i copëtimit të Kosovës, sipas tij, Haziri është i kfjelltë nuk ka fuqi për ta ndarë Kosovën.
Rexhep Shahu
“Nuk njihet as mendohet se Lutfi Haziri është antikombëtar, anti Kosovë dhe partizan i copëtimit të Kosovës se ndryshe populli i Kosovës nuk do e mbante në pushtet kaq gjatë, dhe LDK nuk do ta mbante për nënkryetar. Lutfi Haziri është i kthjellët mendoj unë, dhe ai nuk ka fuqi magjike ta ndajë, bashkojë a copëtojë Kosovën, pasi është pjesë e një ekipi”, thotë ai.
“Të njëjten gjë ta bëjnë edhe partitë tjera”
Juristi Blerim Burjani, ka theksuar se përveç LDK-së është e dobishme që edhe partitë tjera të caktojnë përfaqësues për dialog, gjë e cila do të ishte e dobishme.
Blerim Burjani
Ai shtoi se kjo do të ishte interes shtetëror, si dhe do të ndryshonte marrëdhëniet në mes dy vendeve.
“Kjo është çështje e LDK-së sa i përket bindjeve të tij për zgjidhjen është çështje personale, konsideroj se e dobishme do të ishte që edhe partitë tjera ta cakotjnë nga një përfaqësuse për dialog me Serbinë. Pra, do të ishte e dobishme që partitë të gjitha së bashku të marrin përgjegjësi, por jo vetëm të kritikojnë. Arsyet dihen, është interes nacional dhe shtetëror për të reflektuar pozitivisht dhe natyrisht të gjindet një zgjidhje e përhershme me Serbinë, dhe historike që ndryshon marrëdhëniet në mes dy kombeve më të mëdha në Ballkanin perëndimor”, ka deklaruar Burjani.
“Të angazhohen mekanizmat të tërë”
Analisti politik Leon Duhanaj, u shpreh se dialogu duhet të trajtohet si proces kolektiv, madje asnjëri nuk guxon të marrë vendime i vetëm, por duhet t’i merrë Kuvendi i Kosovës.
Leon Duhanaj
Ai shtoi se Kosova pas marrëveshjes duhet të jetë shtet funksional dhe të lejohen mekanizma bllokues.
“Çështja e dialogut Kosovë-Serbi, në asnjë moment nuk duhet të trajtohet si proces në të cilin vinë në pah figurat e përvetshme, por duhet të trajtohet si proces kolektiv, në të cilin duhet të angazhohen mekanizma të tërë. Asnjë njeri, pa marrë parasysh kush është ai, nuk guxon të marrë vendime si i vetëm për vendin. Vendimin përfundimtar, duhet ta merr Kuvendi i Kosovës, ose nëse ka hapësirë të lejohet ndonjë referendum. Ajo çfarë është me rëndësi, duhet ta kenë parasysh të gjithë akteret, se Kosova, pas marrëveshjes duhet të jetë shtet funksional në kuptimin e plotë të fjalës dhe nuk guxojnë të lejojnë mekanizma bllokues apo sabotues, nga askush”, tha ia.