Ambasadori amerikan konfirmon mbështetjen e SHBA-së për Kosovën

Politika

Ambasadori amerikan konfirmon mbështetjen e SHBA-së për Kosovën

Nga: A.Z Më: 12 janar 2022 Në ora: 23:34
Jeff Hovenier

Ditë më pare Jeff Hovenier ka marrë zyrtarisht detyrën e ambasadorit të ShBA-së në Kosovë.

Para kësaj detyre, ai shërbeu si zëvendës shef i misionit në Ambasadën e ShBA-së në Ankara, Turqi.

Lidhur me detyrën e tij në Kosovë, analisti politik Hidajet Ahmeti, në një prononcim për “Bota sot”, ka deklaruar se ai po e dëshmon mbështetjen ndaj Kosovës, gjë e cila është dëshmi se si veprojnë në politikën strategjike të Kosovës.

Image
Hidajet Ahmeti

“Ambasadori amerikan, zoti Hovenier në deklaratën e tij konstruktive po dëshmon mbështetjen e politikës amerikane për shtetin e ri të Kosovës. Kjo është dëshmia më e mirë se SHBA-të veprojnë brenda kornizës institucionale dhe konstruktive, e cila politikë është strategjikë për Kosovën dhe vendet e Ballkanit në përgjithësi. Shteti serb në vazhdimësi përdor logjikën e viktimës në dialog, pasi shumë herë BE-ja si ndërmjetësuese e dialogut ka “ledhatuar” Serbinë dhe nuk ka qenë konstruktive në këtë proces”, ka potencuar Ahmeti.

Tutja tha se deklarata e tij jep mbështetje për luftimin e krimit, pra fuqia e SHBA-ve është mundësi e cila ndikon në politikën e jashtme, si dhe i hap rrugë Kosovës për liberalizimin e vizave.

“Njëkohësisht deklarata e ambasadorit amerikan jep mbështetje të fuqishme Qeverisë së Republikës së Kosovës për të luftuar krimin dhe korrupsionin të instaluar nga qeveritë e mbas luftës, por njëkohësisht sinjalin e mirë për shtrirjen e sovranitetit në gjithë territorin e Republikës së Kosovës. Super fuqia e SHBA-ve është një mundësi e mirë në ndikimin e politikës së jashtme të Kosovës e veçanërisht njohjen e Kosovës nga pesë vendet e BE-së, e cila mundësi do t’i hapte rrugë Kosovës për liberalizimin e vizave dhe integrim të përshpejtuar në BE”, potencon ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat