Lëndët e quajtura si ‘peshqit e mëdhenj’ ende nuk janë hetuar dhe gjykuar nga drejtësia në Kosovë e as nga Eulex-i.
Ish-kryetari i gjyqtarëve të misionit EULEX, Malcolm Simmons, kishte thënë para Komisionit të Parlamentit të Kosovës se misioni europian synonte largimin e “peshqve të mëdhenj” nga skena politike. Por, EULEX-i i kishte hedh poshtë deklaratat e tij.
"Pasi u emërova shef i gjyqtarëve, u takova në Prishtinë me shefin e operacioneve civile Kenneth Dean. Gjatë këtij takimi të parë në zyrat qendrore të misionit, ai ma bëri shumë të qartë qëllimin e misionit, që të largojë nga jeta politike personat, që ai i përshkroi si "peshq të mëdhenj”. Gjatë asaj bisede ai më tha se, dhe po e citoj "pres të shoh gjyqtarët e EULEX-it që të dënojnë ata që akuzohen nga misioni”. Gjyqtarët e EULEX-it në fjalët e tij priteshin të luanin rolin e tyre për të siguruar suksesin e misionit. Për mua ishte e qartë se suksesi do të matej me numrin e dënimeve”, tha Malkolm Simmons.
Pas raportimit të Simmons para Komisionit Parlamentar të Kuvendit të Kosovës, reagoi misioni EULEX-i.
"Duke e ditur se ai nuk mund të paditet për shpifje, meqë deklarata e Simmons është e mbuluar nga imuniteti i privilegjit parlamentar, ai është përfshirë në një fushatë të qëllimshme dezinformimi në lidhje me shkelje që pretendohet se kanë ndodhur gjatë kohës së tij në EULEX, gjë që ka për qëllim t'u shërbejnë motiveve dhe interesave të fshehta. Ne e shohim këtë si një përpjekje tjetër për të diskredituar misionin nga ata që janë të interesuar të minojnë sundimin e ligjit në Kosovë si dhe të vetë BE-së”, thuhej ndër të tjera në reagimin e EULEX-it.
Lëndët e quajtura si ‘peshqit e mëdhenj’ ende nuk janë hetuar dhe gjykuar nga drejtësia në Kosovë e as nga Eulex-i.
Ish-kryetari i gjyqtarëve të misionit EULEX, Malcolm Simmons, kishte thënë para Komisionit të Parlamentit të Kosovës se misioni europian synonte largimin e “peshqve të mëdhenj” nga skena politike. Por, EULEX-i i kishte hedh poshtë deklaratat e tij.
"Pasi u emërova shef i gjyqtarëve, u takova në Prishtinë me shefin e operacioneve civile Kenneth Dean. Gjatë këtij takimi të parë në zyrat qendrore të misionit, ai ma bëri shumë të qartë qëllimin e misionit, që të largojë nga jeta politike personat, që ai i përshkroi si "peshq të mëdhenj”. Gjatë asaj bisede ai më tha se, dhe po e citoj "pres të shoh gjyqtarët e EULEX-it që të dënojnë ata që akuzohen nga misioni”. Gjyqtarët e EULEX-it në fjalët e tij priteshin të luanin rolin e tyre për të siguruar suksesin e misionit. Për mua ishte e qartë se suksesi do të matej me numrin e dënimeve”, tha Malkolm Simmons.
Pas raportimit të Simmons para Komisionit Parlamentar të Kuvendit të Kosovës, reagoi misioni EULEX-i.
"Duke e ditur se ai nuk mund të paditet për shpifje, meqë deklarata e Simmons është e mbuluar nga imuniteti i privilegjit parlamentar, ai është përfshirë në një fushatë të qëllimshme dezinformimi në lidhje me shkelje që pretendohet se kanë ndodhur gjatë kohës së tij në EULEX, gjë që ka për qëllim t'u shërbejnë motiveve dhe interesave të fshehta. Ne e shohim këtë si një përpjekje tjetër për të diskredituar misionin nga ata që janë të interesuar të minojnë sundimin e ligjit në Kosovë si dhe të vetë BE-së”, thuhej ndër të tjera në reagimin e EULEX-it.
Zeqa: ROSU duhet të zbarkojë në rezidencat e të fortëve të politikës
Florim Zeqa
Florim Zeqa duke folur për ‘Bota sot’ lidhur me këtë ҫështje, se pse nuk po hetohen ‘peshqit e mëdhenj’, mision që nuk e kreu EULEX-i.
“Politika i ngjet një oqeani me peshq të vegjël dhe të mëdhenjë. Përderisa peshqit e vegjël ushqim i kanë gjallesat e vogla nënujore, peshqit e mëdhenjë ushqehen me peshqit e vegjël. Ashtu sikurse jeta e peshqëve në oqean është edhe jeta e liderëve në politikë, ku gjithnjë të mëdhenjtë ushqehen me më të vegjëlit. Sa herë që turbullohen "ujërat" në politikë, të parët që e pësojnë janë peshqit e vegjël”, vlerëson Zeqa.
Ai tutje thotë se, si asnjëherë më parë në politikën e Kosovës janë turbulluar ujërat aq shumë, saqë nuk po dihet më, cili do të jetë fati i peshqëve të mëdhenjë; a do të bien në grepin e prokurorisë apo do të shpëtojnë nga drejtësia?!
“Policia e Kosovës, gjegjësisht njësia speciale "ROSU" paraprakisht zbarkimit në barakat dhe tendat e peshqëve të vegjël, duhet të zbarkojë në rezidencat e të fortëve të politikës, qofshin ata në pushtet apo opozitë, në veri apo jug, aty ku është kupola e korrupsionit dhe e krimit të organizuar ekonomik për të arrestuar "peshqit e mëdhenjë", thekson ai.
Zeqa thotë tutje se arrestimi i “peshqve të mëdhenjë” ishte premtim i kahmotshëm i EULEX-it, por edhe premtim i freskët i kryeministrit aktual, Albin Kurtit si opozitarë.
“Do të ikë Lumezi e do të kthehet Elezi”! Edhe pse po bëhet gati një vit nga ardhja e Albin Kurtit në pushtet, nuk ndodhi njëra (kthimi i Elezit) dhe as tjetra (arrestimi i “peshqve të mëdhenjë”, thotë analisti Zeqa për ‘Bota sot’.
Ka filluar kapja e problemit nga bishti e jo nga koka
Ai duke përmendur aksionet e fundit të kasioneve të policisë si demolimi i lojërave të fatit, aparaturave të kriptovalutave dhe identifikimi i vilave në Brezovicë janë kapje e problemit nga bishti dhe jo nga koka.
Emrat e “peshqve të mëdhenjë” jo që nuk janë të panjohur për kryeministrin Albin Kurti, nuk janë të panjohur për prokurorinë e shtetit dhe as për gjykatat.
“Madje edhe qytetarët e rëndomtë janë në dijeni se kush janë pronarët faktik të lojrave të fatit, se kush janë pronarët faktik të “minierave” të kriptovalutave, se kush janë pronarët faktik të villave dhe restoranteve luksoze, se kush janë pronarët faktik të pikave të karburanteve, se kush janë pronarët faktik të gurëthyesve dhe çdo biznesi fitimprurës në Kosovë. Qytetarët tashmë janë lodhur me maskarada mashtruese si nga qeveritë paraprake ashtu edhe nga aktualja, e cila e ka fuqinë dhe përgjegjësinë historike për të bërë kapjen sa më parë të “peshqve të mëdhenjë”. Në të kundërtën, do të përballet me pakënaqësitë e qytetarëve për mosmbajtje të premtimeve elektorale”, thekson Zeqa.
Disa nga "peshqit e mëdhenjë" pritet të arrestohen
Faton Mehmeti
Faton Mehmeti duke komentuar këtë çështje të parashtruar nga ne, thotë se një pjesë e ‘peshqve të mëdhenj’ tashmë janë në Hagë.
“Besoj se personat e quajtur "peshq të mëdhenj" një pjesë janë në Hagë dhe një pjesë pritet të arrestohen. Pra, EULEX-i, është i ndikuar nga gjykata speciale, në këtë kuptim edhe veprimet e tij janë të lidhura ngushtë me zhvillimet e speciales”, thekson Mehmeti.
Ai thotë se EULEX-i ka dështuar, edhe më parë kur nuk ishte i ndikuar nga veprimet e speciales. “EULEX-i erdhi si luan dhe do e përfundojë misionin e saj si pulë, pa asnjë sukses të theksuar. Arrestimi i "peshqve të mëdhenj" të zhvatjës ekonomike nuk mund të ndodhë pa vetting të brendshëm. Nga EULEX-i nuk pres të ndodhë, që të ketë arrestime të nivelit të lartë”, vlerëson ai.