9 vite nga largimi i Lapidari i UÇPMB-së në Preshevë/ Kritikohen politikanët shqiptarë

Politika

9 vite nga largimi i Lapidari i UÇPMB-së në Preshevë/ Kritikohen politikanët shqiptarë

Nga: A.M. Më: 20 janar 2022 Në ora: 21:00
9 vite nga largimi i Lapidari i UÇPMB-së në Preshevë

Sot janë bërë  9 vite që nga largimi i lapidarit të dëshmorëve të  Ushtrisë Çlirimtare të Preshevës, Medvegjës dhe Bujanocit (UÇPMB) në oborrin e Komunës së Preshevës.

Ky lapidar u largua nga forcat e xhandarmerisë serbe.

Profesori Refik Hasani, në një prononcim për “Bota sot”, ka kritikuar politikanët shqiptarë në institucionet e  Preshevës, Bujanocit e Medvegjës.

“Tashmë po bëhen 9 vite nga largimi i përkujtimores së dëshmorëve të kombit të rënë në luftën e UÇPMB-së në Preshevë.

 Nuk u mbrojt si duhet dhe nuk ka asnjë përpjekje serioze nga liderët partiake e institucionalë të Preshevës, Bujanocit e Medvegjës, por dhe ka mungesë ku asnjë pikë vullneti s`ka nga Prishtina e Tirana zyrtare të bëjnë e ndërmarrin ndonjë gjë”, ka thënë ai për “Bota sot”.

Gjithashtu, Hasani është shprehur se janë bërë shumë premtime  për rikthimin e lapidarit i UÇPMB-së, por një gjë e tillë nuk ka ndodhë deri tani.

“Sivjet, më datën 20 janar bëhen 9 (nëntë) vjet nga largimi i pllakës përkujtimore të dëshmorëve të kombit të rënë në luftën e UÇPMB-së. Shumë premtime u dhanë se Lapidari i UÇPMB-së do të kthehet aty ku ishte.

Por deri tash ato mbetën vetëm premtime dhe fjalë. Atëherë, pse nuk kthehet lapidari i  UÇPMB-së në Preshevë?. Apo harrohet edhe ky Lapidar, sikur lufta e UÇPMB-së dhe Referendumi i mbajtur më 1 e 2 mars të vitit  1992”, ka deklaruar Hasani për “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat