Në Mitrovicën e Veriut ka pasur disa aksionet policore, por jo të gjitha u realizuan me sukses, kjo për faktin se kishte rrjedhje të informacioneve.
Sipas Inspektoratit Policor, mund të ketë zyrtarë policorë të përfshirë në shpërndarje të informatave.
Madje tashmë kanë filluar hetimet për zbulimin e këtyre personave.
Kushtrim Hodaj, kryeshef ekzekutiv i IPK-së, thotë se dyshojnë që ka pas rrjedhje të informacioneve për shkak se në momentin që ka arritur policia në lokacionet për të cilat ata kanë qenë të destinuar të bastisen del që informacionet kanë qenë paraprakisht te personat e dyshuar dhe nuk janë gjetur në vendin e caktuar.
Ky institucion ka marrë dritën e gjelbër nga Prokuroria e Shtetit për të filluar hetimet ndaj zyrtarëve policorë që dyshohen për shpërndarje të informacioneve.
Në Mitrovicën e Veriut ka pasur disa aksionet policore, por jo të gjitha u realizuan me sukses, kjo për faktin se kishte rrjedhje të informacioneve.
Sipas Inspektoratit Policor, mund të ketë zyrtarë policorë të përfshirë në shpërndarje të informatave.
Madje tashmë kanë filluar hetimet për zbulimin e këtyre personave.
Kushtrim Hodaj, kryeshef ekzekutiv i IPK-së, thotë se dyshojnë që ka pas rrjedhje të informacioneve për shkak se në momentin që ka arritur policia në lokacionet për të cilat ata kanë qenë të destinuar të bastisen del që informacionet kanë qenë paraprakisht te personat e dyshuar dhe nuk janë gjetur në vendin e caktuar.
Ky institucion ka marrë dritën e gjelbër nga Prokuroria e Shtetit për të filluar hetimet ndaj zyrtarëve policorë që dyshohen për shpërndarje të informacioneve.
"Ne kemi filluar disa hetime, disa autorizime prej prokurorëve që të zhvillojmë hetime në drejtim të zbulimit se kush i ka nxjerrë këto informacione. Sigurisht që mund të ketë zyrtarë të inkriminuar në rrjedhje të informacionit", ka thënë Hodaj.
Shala me një propozim për Qeverinë
Lidhur me këtë eksperti i sigurisë Drizan Shala, në një prononcim për “Bota sot”, deklaron se hetimi që është duke u zhvilluar nga IPK-ja, tregon se ka individë zyrtarë, që për përfitime personale apo të shantazhuar, të cilët detyrohen të dekonspirojnë operacionet.
“Në lidhje me hetimin që është duke e zhvilluar IPK-ja nga deklarimet që kanë dalur nga shefi i PK-së dhe MPB-së që ka rrjedhje të informacioneve në njërin nga operacionet e zhvilluara në veri të vendit, kjo tregon që: 1. Ka individ që janë zyrtar të shtetit dhe që për motive qofshin nacionaliste (zyrtar nga komuniteti serb). 2. Individ të cilët për përfitime personale materiale (zyrtar shqiptar dhe serb) apo 3. Individ që janë të shantazhuar nga strukturat e sigurisë së shtetit të Serbisë dhe që punojnë në institucionet e sigurisë të Kosovës që nëse nuk bashkëpunojnë do të mund të dekonspirohen nga ata”, thotë ai.
Sipas tij, edhe AKI-ja duhet të hetojë çdo lidhje bashkëpunimi, pra që në këtë rast lidhjen e mundshme me strukturat e sigurisë së Serbisë.
“Pra, në lidhje me këtë dukuri pavarësisht rezultatit të hetimeve penale nga IPK- ja do të duhej që edhe AKI-ja të jetë e involvuar në analizimin e situatës dhe të hetojë në aspektin informativë çdo lidhje apo bashkëpunim të mundshëm në mes individëve apo grupeve të interesit, që në rastin e Kosovës është lidhja e mundshme me strukturat e sigurisë së Serbisë të zyrtarëve policorë apo prokuror/gjykatës të procedurës paraprake që kanë zhvilluar operacionin. Dhe kështu të dihet se sa ka dëmtuar ndoshta edhe operacionet tjera në vend”, theksoi Shala.
Tutje propozoi që edhe Qeveria të hartojë një ligj për agjencinë e kundërzbulimit, sepse kështu mund të bëhet edhe verifikimi i strukturave të sigurisë.
“Si masë reaguese afatgjate është mirë që Qeveria, por edhe komisionet e sigurisë brenda Kuvendit të hartojnë një ligj për një agjencion të ri të kundërzbulimit, siç e kanë shumë shtete demokratike dhe që punën primare ta kenë luftimin e spiunazhit brenda Republikës së Kosovës. Dhe kështu të mund të bëhet edhe verifikimi, por edhe pastrimi më i lehtë brenda strukturave të sigurisë së vendit”, përfundon Drizan Shala.
“Serbia ka mjaftë punëtorë në organet e Kosovës”
Juristi Muhamet Kelmendi, deklaron se organet e ndërtuara nga UNMIK-u ishin të mbuluara me njerëz të ish pushtetit serbojugosllavë, dhe kështu u vendosën edhe në polici, madje edhe në gjykata dhe administratë.
Kelmendi thekson e këta shërbëtor të ish-regjimit ishin dhe janë pengesat kryesore të shtetësisë së Kosovës.
“Organet në Kosovë vuajnë nga ish-shërbëtorët e regjimit serbojugosllav. Kosova ka dalur nga lufta e shkatërruar dhe me shumë probleme ekonomike, politike dhe të karakterit shtetëror. Pas luftës u vendos UNMIK-u në Kosovë. Organet që u ndërtuan nga UNIMIK-u ishin organe të mbuluara me njerëz që vinin nga ish pushteti i Serbojugosllavisë. Në polici u vendosën njerëz të ish regjimit. U vendosën të tillë që edhe në vitin 1999 ishin në shërbim të Serbisë. Edhe në gjykata, dhe në administratë u vendosën njerëz të ish-regjimit. Po kështu u vendosën shërbëtorë edhe në Prokuroritë e Kosovës, deri edhe në subjektet dhe në agjenci të ndryshme. Kjo gjendje vazhdoi edhe më vonë me EULEX-in. Shërbëtorët e ish-regjimit dolën shërbëtorë të mirë edhe të pushteteve të ndryshme në Kosovë”, thotë ai.
Më tej thotë se këta ekzistojnë edhe sot në të gjitha partitë, dhe janë të lehtë për t’u shantazhuar dhe të japin informata të ndryshme për armikun.
“Pavarësisht se kush erdhi në pushtet, PDK-ja a LDK-ja, AAK-ja a tash VV-ja, shërbëtorët e maskuar u futën në këto parti dhe po u shërbejnë shumë mirë. Sidomos policia, gjyqësori e prokuroria, administrata etj., u mbushën me elemente të ish-regjimit a të familjeve të shërbëtorëve. Këta janë shumë lehtë të shantazhuar. Me fakte, nëse vetë a babi, axha a ndokush tjetër ka bërë krime, ka dhënë e punuar për pushtuesin serbomadhë, mjafton që edhe tash, të shantazhohen pasardhësit dhe të japin informata të ndryshme për armikun, si të policisë, gjykatave, prokurorisë e të pushtetit në Kosovë. Gjithashtu, është edhe "Lista Serbe", e organizuar nga Qeveria e Beogradit, që gjinden kudo në organet e shtetit”, shtoi Kelmendi.
Tutje u shpreh se punëtorë serbë ka në të gjitha organet e Kosovës. Gjithashtu, Kelmendi propozon që për hetimet e rrjedhjes së informacionit të kërkohen shpjegime nga Ministria e Punëve të Brendshme.
“Ata punojnë në Kuvend, në administratë e në Qeveri, nëpër gjykata e në policinë e Kosovës. Kjo gjendje është në Kosovë. Në këtë situatë, ka Serbia mjaftë punëtorë (informatorë) nëpër organet e Kosovës. Këtë gjendje është e domosdoshme për ta shëruar. Hetimet për rrjedhje të informacionit duhet kërkuar në polici, në AKI, në Qeveri dhe në administratë. Këtu duhet kërkuar informatorët. Dhe, këtë e dine Ministri i Punëve të Brendshme. Ai e dinë se kush ishte në tryezë dhe kush ishte i implikuar në planin e përgatitur lidhur me gjendjen në veri, kur erdhi deri te intervenimi i policisë”, theksoi ai.
Kelmendi shton se gjithashtu duhet kërkuar nga MPB-ja llogari se nga doli informata, pra sipas tij, këtu ka fakte, dhe se dihen shërbëtorët e tyre.
“Nga MPB-ja doli informata. Kështu po deklaron kjo ministri. Dhe, këtu duhet kërkuar shërbëtorët dhe informatorët prej nga doli informata. Thash se ka mjaft të tillë. Organet e pushtetit në Kosovë nuk janë spastruar. Nëpër to ka shumë që vijnë nga ish-regjimi. Spastrimi është punë e madhe. Lypset angazhim dhe hetim intensiv. Por, këtu ka fakte. Dihen shërbëtorët dhe pasardhësit e tyre. Janë të njohur në organet udhëheqësit e pushtetit që vijnë nga ish-regjimi. Nëpër shumë organe ka shërbëtorë. Është detyrë e spastrimit urgjent. Ligji mbi lustracionin është bazë e spastrimit të pushtetit në Kosovë”, përfundon Muhamet Kelmendi.
