Situata në Ukrainë kërcënuese për Kosovën/ Eksperti i sigurisë: NATO mbikëqyrë çdo lëvizje të ushtrisë serbe

Politika

Situata në Ukrainë kërcënuese për Kosovën/ Eksperti i sigurisë: NATO mbikëqyrë çdo lëvizje të ushtrisë serbe

Nga: A.M. Më: 17 shkurt 2022 Në ora: 14:11
Foto ilustrim

Situata në kufijtë Rusi-Ukrainë çdo ditë e më shumë po tensionohet.

Paralajmërimet për shpërthimin e një lufte të madhe, kanë bërë që shumë shtete të botës t’iu bëjnë thirrje shtetasve të tyre të largohen nga Ukraina, përfshirë këtu edhe Kosovën dhe Shqipërinë.

Eksperti i sigurisë, Drizan Shala në një prononcim për gazetën “Bota sot” thotë se NATO-ja në baza periodike e vlerëson sigurinë e Kosovës dhe rajonit, Ballkanit.

Ai u shpreh se NATO-ja e përcjell çdo lëvizje të mundshme të trupave ushtarake të Serbisë brenda territorit të saj.

Image
Eksperti i sigurisë, Drizan Shala

“Në lidhje me vlerësimin e sigurisë së vendit, por edhe rajonit të Ballkanit mund të themi që NATO-ja e bënë atë mbi baza periodike dhe në rast që zyra e NATO-s në Beograd (NATO MILITARY LIAISON OFFICE e cila ka këtë detyrë që të mbikëqyrë çdo lëvizje të mundshme të trupave ushtarake të Serbisë brenda territorit të saj me theks të veçantë: Kosovën dhe Bosnjën)”, deklaroi eksperti i sigurisë.

Më tej, Shala kërkoi nga Kosova që të bashkëpunojë me vendet anëtare të NATO-s dhe të blejë pajisje ushtarake me qëllim të mbrojtjes territoriale.

Po ashtu, ai thekson se shteti ynë duhet të nënshkruajë marrëveshje me disa shtete, përfshirë Kroacinë dhe Shqipërinë.

“Kosova nuk ish deshtë që të ‘flejë’ në përmbylljen e procesit të saj në ngritjen kompatibile të FSK-së me vendet anëtare të NATO-s dhe në anën tjetër blerjen e pajisjeve ushtarake me motive të mbrojtjes territoriale.

Dhe në anën tjetër të arrijë marrëveshje mbrojtëse me Kroacinë, Shqipërinë, Turqinë dhe Amerikën”, theksoi Drizan Shala për “Bota sot”.

commentFirst article
Sot mund të lexoni Shfletoni kopertinat