Deputetja e LDK-së përkrah takimin Kurti-Vuçiq, mirëpo kërkon nga kryeministri ta bëj këtë gjë si Avdullah Hoti

Politika

Deputetja e LDK-së përkrah takimin Kurti-Vuçiq, mirëpo kërkon nga kryeministri ta bëj këtë gjë si Avdullah Hoti

Nga: A.M Më: 12 maj 2022 Në ora: 18:51
Albin Kurti dhe Avdullah Hoti

Takimi i kryeministrit Albin Kurti me presidentin serb, Aleksandër Vuçiq në Berlin, nxiti reagime të shumta.

Kundërshtarët politik të kryeministrit dhe Lëvizjes Vetëvendosje kundërshtuan atë takim dhee kritikuan atë ashpër.

Ndërsa, deputetja e LDK-së, Valentina Bunajku-Rexhepi për gazetën “Bota sot” tha se takimi Kurti-Vuçiq ishte i duhur.

Mirëpo, ajo e kritikoi kryeministrin për qasjen e bisedimeve, duke thënë duhet të diskutohet për marrëveshje finale, dhe jo për targa.

Image
Deputetja e LDK-së, Valentina Bunajku-Rexhepi

“Takimi me Vuçiqin ishte i duhur, por ai kishte refuzuar se do të negocionte ndonjëherë. Po bën gabim trashanik që po diskuton për targat, e jo marrëveshjen finale siç bëri Avdullah Hoti, me këshillën amerikane. Duhet dialog, por për njohje. Jo tema teknike. Kur të njeh, të gjitha të tjerat kryhen”, deklaroi deputetja e LDK-së.

Krahas kësaj, ajo kishte kritika edhe për diplomacinë e Kosovës.

Sipas saj, deri më të tani nuk ka pasur vizita me rëdësi të lartë, përveç asaj në Izrael dhe se nuk ka aktivitete të rëndësishme në ambasadat në shtetet e botës.

“Diplomaci të lodhtë, me gabime të shpeshta. E vetmja vizitë me rëndësi specifike është ajo në Izrael, njohjen e të cilit e arriti LDK-ja. Ishte arritja më e madhe nga GJND-ja. Asnjë rezultat për njohje nga Greqia. Asnjë nga 5 vendet e BE-së, e Amerikës Latine. As liberalizim vizash. As aktivitete të dobishme nga ambasadat jashtë vendit”, theksoi Valentina Bunajku-Rexhepi për “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat