Paralajmëron eksperti amerikan: Ja si Rusia po e shtrin ndikimin në Ballkan – ky është plani i Putinit!

Politika

Paralajmëron eksperti amerikan: Ja si Rusia po e shtrin ndikimin në Ballkan – ky është plani i Putinit!

Nga: A.M Më: 2 korrik 2022 Në ora: 21:48
Vladimir Putin dhe Aleksandar Vuçiq

Presidenti rus, Vladimir Putin njihet për ndikimin e tij në Ballkanin Perëndimor.

E për këtë gjë, Rusia ka marrë edhe mbështetjen nga aleati i saj kryesor në këtë rajon, Serbia.

Shteti rust ash e një kohë të gjatë po e furnzion shtetin serb me armë dhe municione moderne, të cilat shpesh janë konsideruar edhe si kërcënime për shtetet e Ballkanit Perëndimor, veçanërisht për Kosovën.

Në një bashkëbisedim me “Bota sot”, eksperti amerikan për çështje të Ballkanit, Alon Ben Meir foli për shtrirjen e ndikimit rus në këtë rajon.

Sipas tij, duke parë lidhjet e ngushta me Serbinë dhe interesin e saj për marrëdhënie të ngushta me Rusinë, Putinit i jepet mundësia të ndikojë në këtë shtet shumë më shumë se sa në shtetet e tjera të Ballkanit.

Image
Eksperti amerikan për çështje të Ballkanit, Alon Ben Meir

“Presidenti i Rusisë Putin ka dhe do të vazhdojë të përpiqet të rrisë ndikimin e Rusisë në Ballkan, duke thënë se shtetet ballkanike, përfshirë Serbinë, në një farë mase, ende shumë të gravitojnë drejt integrimit në BE. Duke qenë se Serbia dëshiron, për shumë arsye, të mbajë marrëdhënie të mira me Rusinë, kjo i jep Putinit mundësinë të ndikojë në këtë vend në një shtrirje shumë më të madhe se sa në shtetet e tjera të Ballkanit. Fakti që ka tensione mes vendeve të ndryshme ballkanike, nuk ndikon shumë në dëshirën e tyre të përgjithshme për të qenë pjesë integrale e komunitetit evropian”, deklaroi ai.

Krahas kësaj, eksperti amerikan potencoi se Beogradi nuk dëshiron të turbullojë ujërat me Rusinë edhe pse nuk i pëlqen BE-së dhe SHBA-së.

Edhe duke ditur këtë fakt BE-ja, Ben-Meir beson se nuk do ta pezullojë procesin e integrimit për Serbinë.

Gjithashtu, ai përmendi edhe ndihmat me të cilat Rusia po e financon vazhdimisht shtetin serb.

“Meqenëse marrëdhënia serbo-ruse është e gjerë në shumë fusha, veçanërisht në energji, fusha ushtarake dhe mallra të tjera, Serbia dëshiron të mbajë marrëdhënie të mira me Moskën. Për këtë arsye Beogradi nuk dëshiron të turbullojë ujërat me Rusinë edhe pse nuk i pëlqen BE-së dhe SHBA-së. BE-ja i kupton shqetësimet e Serbisë dhe duke pasur parasysh se BE-ja ende dëshiron ta integrojë Serbinë në orbitën e saj, ka shumë pak gjasa që procesi i integrimit të pezullohet”, vlerësoi Alon Ben-Meir, përcjell “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat