“Politikat e dobëta të jashtme që i patëm, nuk arritën as deri të liberalizimi i vizave”

Politika

“Politikat e dobëta të jashtme që i patëm, nuk arritën as deri të liberalizimi i vizave”

Nga: A.SH Më: 29 shtator 2022 Në ora: 18:37
Një vizë Shengen në një pasaportë të Kosovës.

Çështja e liberalizimit të vizave për Kosovën do të jetë në rend të ditës në takimin e grupit punues të Këshillit Evropian, më 13 tetor, konfirmojnë burimet diplomatike të BE-së në Bruksel.

Analisti Skënder Mulliqi ka komentuar mbi situatën e politikës së jashtme në Kosovë.

Ai ka thënë se edhe pse jemi shtet i pavarur dhe na kanë njohur mbi 100 shtete, politika jonë e jashtme u tregua shumë inerte në vitet e fundit, ku nuk arritëm të na njohin edhe pesë shtetet e BE-së.

“Sa ishin të suksseshme politikat e jashtme të Kosovës? Në Bruksel, në Nju jork, Madrid, BE, NATO dhe me fqinjët. A ishim në nivel apo do të duhej të ishim? Si çdo politikë publike, edhe politika e jashtme e suksesshme konsiderohet kur arrihen objektivat e synuara. Kosova në vitet e para të pasluftës kishte për synim veq rindërtimit të vendit, edhe të arrinë deri të pavarësia, edhe pse ishim çliruar me luftë nga Serbia në vitin 1999. U pavarësuam zyrtarisht në vitin 2008, duke shpallur përmes një deklarate në Kuvend, Kosovën shtet sovran dhe të pavarur. U pranuam nga më së 100 shtete, me kualitativet. Kosova arriti të inkuadrohet edhe në disa organizma ndërkombëtar, po jo mjaftueshëm. Politika jonë e jashtme u tregua shumë inerte në vitet e fundit, ku nuk arritëm të na njohin edhe pesë shtetet e BE-së”, shprehet ai.

Sipas tij, nuk u realizuan njohje tjera, madje Serbia loboi edhe kundër njohjeve të shtetit të Kosovës.

Tutje, shton se politikat e dobëta të jashtme që i patëm, nuk arritën as deri të liberalizimi i vizave.

"Nuk u realizua qëllimi i shtimit të numrit të njohjeve, madje me lobimin e Serbisë, na ndodhën edhe disa çnjohje. U firmosën disa marrëveshje që ishin në dëm të Kosovës të cilat i dimë tashmë të gjithë cilat janë, pikërisht me fajin e drejtuesve tanë të shtetit. Nga këto marrëveshje u rrezikua edhe tërësia territoriale e Kosovës. Politikat e dobëta të jashtme që i patëm, nuk arritën as deri të liberalizimi i vizave. Mbetëm i vetmi shtet në Evropë, i izoluar nga bota demokratike, jo krejt pa fajin edhe të faktorit vendimarrës ndërkombëtar.

Nuk iu afruam strukturës të BE-së, së na pollën bisedimet politike maratonike më Serbinë, si kushtëzim nga Bashkësia Ndërkombëtare. Nuk arritëm ende të bëhemi pjesë e shumë organizmave ndërkombëtare dhe as të ikuadrohemi në NATO. Kjo udhëheqje e re premton që Kosova më në fund të dalë nga status kuoja politike, që na sollën politikat dështuese të jashtme. Që të bëhemi më shpejt pjesë e Evropës së Bashkuar na mungojë koncensuesi nacional. Politikat kreative, e jo pasive, i duhen më shumë se kurrë sot Kosovës”, përfundoi ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat