“Veprimet dinjitoze të serta të Kurtit kanë vetëdijësuar Vuçiqin, plani franko-gjerman detyron Serbinë ta njoh Kosovën”

Politika

“Veprimet dinjitoze të serta të Kurtit kanë vetëdijësuar Vuçiqin, plani franko-gjerman detyron Serbinë ta njoh Kosovën”

Nga: Nehat Shaqiri Më: 25 nëntor 2022 Në ora: 22:49
Albin Kurti dhe Aleksandër Vuçiq

Pas marrëveshjes së arritur në Bruksel për targa, nga Kosova dhe Serbia, tashmë po kërkohet vazhdimi i dialogut.

Ndërkombëtarët tashmë kanë filluar thirrjen për kryeministri i Kosovës, Albin Kurti dhe presidenti serb Aleksandër Vuçiq të shkojnë në Bruksel për të vazhduar dialogun.

Këto ditë është përfolur një plan franko – gjerman, i cili ende nuk dihet nëse e ka njohjen në qendër.

Megjithatë, poltikanët po flasin për këtë plan i cili mund të sjellë një marrëveshje përfundimtare Kosovë – Serbi.

Profesori universitar, Sulejman Mehazi, thotë se, marrëveshjet e fundit për letërnjoftime dhe targa janë në dobi të Kosovës.

Sipas tij, këto janë shenjat e para që Kurti ka vetëdijësuar Vuçiqin.

“Dy marrëveshjet e fundit pozitive të letërnjoftimeve dhe targave serbe në dobi të Kosovës japin shenjat e para se veprimet dinjitoze e të serta të kryeministrit të Kosovës në mbrojtje të sovranitetit të Kosovës, kanë vetëdijësuar presidentin e Serbisë, dhe se të kota janë veprimet cënuese të tij ndaj Kosovës për pjesën veriore të banuar me serbë që ka nisur t'i ik Vuçiqit nga strofulla e shtetit të vetë dhe se është i detyruar të pajtohet me Kurtin për një marrëveshje përfundimtare të njohjes së Kosovës nga Serbia”, thotë Mehazi për gazetën “Bota sot”.

Mehazi shton se, presidenti i Serbisë, Vuçiq në Bosnjë-Hercegovinë deklaroi se pas zgjedhjes së problemit të vogël të targave tani na vjen problemi i madh i njohjes së dhunshme të Kosovës nga projektuesit e BE-së, Francës dhe Gjermanisë.

“Plani politik e diplomatik franko-gjermane detyron Serbinë dhe Kosovën për njohje reciprole, vlen të thuhet se Serbia si aleate e Rusisë do kushtëzohet me dy opsione politike nga BE-ja, një, të njoh Kosovën, dy, të dinstancohet nga Rusia me sanksione. Prej këtyre dy opsioneve, presidenti i Serbisë do pranonte të parën, njohjen e Kosovës për t'u mos u larguar nga Rusia me anë të sanksioneve”, thotë ai.

Sipas tij, edhe pse Vuçiq deklaroi, se më mirë do të ishte të prishet me Rusinë sesa të pranonte Kosovën, “s'është e vërtetë, sepse Serbia e Vuçiqit që sa kohë jeton pa Kosovën, por nuk mund të ekzistojë pa Rusinë”, përfundon analisti dhe profesori Sulejman Mehazi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat