“Vuçiqi do ta ketë fatin e Millosheviqit”! Ja dy gjërat që presidentit serb i interesojnë në Kosovë

Politika

“Vuçiqi do ta ketë fatin e Millosheviqit”! Ja dy gjërat që presidentit serb i interesojnë në Kosovë

Nga: Nehat Shaqiri Më: 30 nëntor 2022 Në ora: 23:05
Aleksander Vuçiq

Shtetet e Bashkura të Amerikës dhe BE-ja, po kërkojnë nga Kosova e Serbia të vazhdohet dialogu për të gjetur një zgjidhje për një marrëveshje përfudnimtare.

Megjithatë, një marrëveshje me Serbinë po shihet shumë problematike.

Kjo pasi, presidenti serb, Aleksandër Vuçiq ka deklaruar dhjetëra e ndoshta edhe qindra herë se nuk do të njohin pavarësinë e Kosovës.

Ndërsa, pa e njohur Kosovën, nuk mund të ketë marrëveshje.

Se nuk do të ketë zgjidhje përfundimtare me Serbinë, e thotë edhe jursiti dhe njohësi i çështjeve politike në Kosovë, Blerim Burjani.

“Nuk besoj që do të ketë zgjidhje përfundimtare me Serbinë. Zgjidhjet parciale janë të mundshme. Vuçiqi luan në status que, kjo nuk prodhon zgjidhje por prodhon riciklim të problemeve ka kufij”, thotë Burjani për gazetën “Bota sot”.

Ai shton se Vuçiqit i interesojnë vetëm dy gjëra në Kosovë.

“Vuçiqi ishte i qartë kaherë. Atij nuk i intereson asnjë zgjidhje, por vetëm dy situata; ndarja e Kosovës, ose kthimi në Kosovë. Qëllimet maksimale serbe janë të qarta dhe të dukshme që 22 vjet”, shton Burjani.

Sipas tij, Serbia po luan me perëndimin dhe Kosovën.

“Është e pakuptimtë të lutet Vuçiqi. Cirku dhe hajdarja e Serbisë me perëndimin është konfirmuar deri tash por edhe më tutje do të tentojë të kompromitoj plotësishtë zgjidhjen. Deri tash e ka bë me hajgare dhe jozeriozitet, prandaj nuk mendoj që ia vlen perëndimi ta lutë Vuçiqin në pakufij”, pohon Burjani.

Ai shton se që 11 vjet perëndimi e lutë për të gjetur zgjidhje, por që nuk ndodhi asnjëherë.

“Unë mendoj që nuk do të ndodhë ndonjëherë. Kaptiullimi i tij mund të jetë i ngjashëm pak a shumë me Millosheviqin, por ky nuk ka kaçik me luftue si thuhet në gjuhën popullore me NATO-n. Po të mos ishte KFOR-i kurrë nuk ish ndalë lufta, pra është e pavlefshme të merret perëndimi me Serbinë. Kjo është e kotë”, përfundon juristi Blerim Burjani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat