Deputetët e Kuvendit të Kosovës nuk e votuan propozim-rezolutën për gjendjen në Ministrinë e Industrisë, Ndërmarrësisë dhe Tregtisë. Këtë propozim e kishte bërë Grupi Parlamentar i Partisë Demokratike të Kosovës.
Përmes kësaj rezolute, PDK kishte kërkuar shkarkimin e ministres së MINT, Rozeta Hajdari.
Ky projekt-rezolut i mori vetëm 26 vota për, dhe 60 deputetët ishin kundër saj.
Në seancën e sotme plenare të Kuvendit të Kosovës po shqyrtohen pikat e papërfunduara nga seancat e muajit shkurt, mars, prill e maj.
