Komuna e Prishtinës, pas fluksit për vaksinim, zgjat orarin në QMF-në e Kalabrisë

Prishtina

Komuna e Prishtinës, pas fluksit për vaksinim, zgjat orarin në QMF-në e Kalabrisë

Më: 10 janar 2022 Në ora: 20:07
Foto ilustrim

Komuna e Prishtinës ka bërë të ditur se për arsye të rritjes së kërkesës nga qytetarët e kësaj komune për vaksinim kundër COVID-19, ka marrë vendim që të zgjatet orari në QMF-në e lagjes “Kalabria” nga orari i rregullt 8 orësh në atë të zgjatur prej 12 orësh.

“Drejtoria e Shëndetësisë, në koordinim me komitetin për vaksinim dhe sekretarin permanent të Ministrisë së Shëndetësisë z. Bardiqi, morën vendim që të zgjatet orari i punës në QMF 7 në Kalabri, nga orari i rregullt prej 8 orësh (07:00-15:00) në orar të zgjatur prej 12 orësh (07:00-19:00) nga dita e hënë deri të premten, ndërsa në fundjavë (e shtunë dhe e diel) orari do të jetë prej orës 07:00 – 15:00”, thuhet në njoftimin e komunës.

Më tej, në këtë njoftim thuhet se vendimi hyn në fuqi ditën e mërkurë, më 12 janar 2022.

Kujtojmë se në ditët e fundit, numri me raste pozitive me COVID-19 është rritur ndjeshëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat