Pas përplasjeve të dhunshme mes policisë dhe protestuesve, një numër i madh personash u shoqëruan në komisariate mbrëmjen e djeshme.
Në rrjet u shfaqën imazhe dhe video gjatë protestës, që dje u përhap thuajse në të gjithë qytetin duke u shoqëruar me prishje dhe thyerje, kryesisht në godinat e disa institucioneve.
Një nga videot që është parë në rrjet, është ajo ku një efektiv policie shihet të përdorë një pushkë.
Sipas gazetarëve që ndodheshin në terren, kjo pushkë është përdorur për të hedhur gazin lotsjellës, duke i dhënë më shumë forcë në mënyrë që hedhja e tij të bëhet në një distancë më të largët.
