Alibeaj publikon videon dhe akuzon: Rama ka aleat në qeveri trafikantët e drogës

Shqipëria

Alibeaj publikon videon dhe akuzon: Rama ka aleat në qeveri trafikantët e drogës

Më: 30 dhjetor 2020 Në ora: 09:29
Enkelejd Alibeaj

Enkelejd Alibeaj ka denoncuar punën e OFL-së dhe luftën ndaj korrupsionit në këto 7 vite qeverisjeje të Ramës. Përmes një video të shpërndarë në rrjetet sociale, Alibeaj thekson se lufta kundër krimit të organizuar një nga dështimet e mëdha të tij, pasi Rama ka aleat në qeveri trafikantët ndërkombëtarë të drogës.

“Kjo puna e OFL-së është bërë për të qarë e për të qeshur.

Shqiptarët kanë mësuar këto 7 vjet se nuk mund të luftohet krimi i organizuar, kur kryeministri ka aleat në qeveri trafikantët ndërkombëtarë të drogës.

Lufta kundër krimit të organizuar është një nga dështimet e mëdha të Edi Ramës, sepse paratë e krimit janë përdorur për të blerë pushtetin e kryeministrit”.

Sipas Alibeajt një nga arsyet pse nuk janë hapur negociatat me BE-në është pengmarrja e Edi Ramës nga krimi, ndërsa bën thirrje që t’i jepet fund këtij dështimi.

“Pengmarrja e Edi Ramës nga krimi është një nga arsyet pse sot nuk kemi hapur negociatat me BE.

Vendit i duhet një kryeministër që nuk është peng i krimit, për t’i dhënë fund spektaklit të dështuar dhe për të luftuar krimin, siç bëmë kur hoqëm vizat me BE”.

comment Për komente lëvizni më poshtë
Sot mund të lexoni Shfletoni kopertinat