Kryetari i Partisë Demokratike, Lulzim Basha është duke zhvilluar një bashkëbisedim me një grup gjimnazistësh.
Basha deklaroi se rinia shqiptare është motivimi i Partisë Demokratike.
Ndërkohë të rinjtë deklaruan se ajka e shoqërisë shqiptare nuk ka asnjë zgjidhje tjetër, përveçse të largohet jashtë vendit.
Lideri i opozitës përsëriti edhe një herë premtimin se do të hiqet tarifa e studimit për studentët që vijnë nga familje me të ardhura të ulta si dhe bursa për studentët e ekselencës.
Sipas Bashës, një qeveri e përgjegjshme do të kishte testuar fillimisht mësuesit për të mbrojtur jetën e tyre dhe të nxënësve.
Basha theksoi se qeveria u tregua e papërgjegjshme dhe se nuk u mor asnjë masë për higjienën minimale në shkolla, ndërsa shtoi se 70% e shkollave nuk kanë ujë të rrjedhshëm.
