Shqipëria dëbon diplomatin rus, reagon ambasada: Tirana bëri 2 shkelje

Shqipëria

Shqipëria dëbon diplomatin rus, reagon ambasada: Tirana bëri 2 shkelje

Më: 21 janar 2021 Në ora: 23:11
Foto Ilustrim

Pas dëbimit të diplomatit Alexey Krivosheev me argumentin se shkeli masat anti-Covid, ambasada ruse në Tiranë ka reaguar, duke akuzuar qeverinë për dy shkelje nga ana e saj.

Selia diplomatike ruse në Shqipëri, së pari i konsideron akuzat të pabaza dhe së dyti thotë se nxjerrja e emrit të zyrtarit bie ndesh me praktikën ndërkombëtare diplomatike, citojnë mediat ruse, burime nga ambasada në Tiranë.

 “Ambasada Ruse në Shqipëri i konsideron akuzat të pabazuara. Ata vunë në dukje se publikimi në njoftimin për shtyp të emrit dhe mbiemrit të punonjësit, bie ndesh me praktikën ndërkombëtare diplomatike”, raportojnë mediat.  

Në reagimin e ministrisë së jashtme, mësohet se më herët se ai ka shkelur në mënyrë të vazhdueshme karantinën gjatë muajit prill duke lëvizur jashtë orarit të lejuar.

E njëjta praktikë është ndjekur vazhdimisht nga diplomati rus edhe pse qeveria shqiptare kishte ndaluar lëvizjet.

Po ashtu, diplomati rus dilte pa maskë në ambiente publike. Një fakt i tillë është konsideruar i papranueshëm për autoritetet shqiptare duke marrë masën ekstreme, shpalljen “non grata” dhe kërkesën që të largohet për 72 orë nga Shqipëria.

Shfaq komentet
comments powered by Disqus
Sot mund të lexoni Shfletoni kopertinat