“Pamje që tronditën botën”/ Xhaçka nxjerr videon për të kujtuar eksodin në Itali: Shqipëria nuk është ajo e 30 viteve më parë

Shqipëria

“Pamje që tronditën botën”/ Xhaçka nxjerr videon për të kujtuar eksodin në Itali: Shqipëria nuk është ajo e 30 viteve më parë

Më: 6 mars 2021 Në ora: 11:31
Pamje nga video

Ministrija e Jashtme Olta Xhaçka ka publikuar pamjet e eksodit të shqiptarëve drejt Italisë 30 vite më parë, të cilat tronditën botën mbarë.

Në videon e publikuar nga ministrja, janë edhe dëshmitë e disa prej shqiptarëve të cilët emigruan në vitet ’90, dhe që sot në Itali kanë krijuar një histori suksesi. Ndër to është tenori i njohur Saimir Pirgu, i cili thekson se shkoi në Itali me ëndrrën për tu bërë tenor, dhe sot është duke xhiruar filmin Traviata.

Xhaçka thekson se ajo që s’ka ndryshuar është ndjenja e mirënjohjes për Italinë e popullin italian që hapën dyert në orën tonë të dëshpërimit.

‘Këto pamje që tronditën botën mbarë, janë ngulitur fort në kujtesën e të gjithë atyre që i jetuan. Shumëçka ka ndryshuar nga ajo kohë. Shqipëria nuk është ajo e 30 viteve më parë. Komuniteti shqiptar në Itali është sot një histori suksesi. Por ajo që s’ka ndryshuar është ndjenja e mirënjohjes për Italinë e popullin italian që hapën dyert në orën tonë të dëshpërimit.’- shkruan Xhaçka.

Shfaq komentet
comments powered by Disqus
Sot mund të lexoni Shfletoni kopertinat