Dy ditë më parë u nda nga jeta artisti i popullit Piro Mani, i cili njihet si ‘babai’ i teatrit shqiptar.
Komuniteti artistik është bashkuar për t’i dhënë lamtumirën e fundit artistit Pirro Mano. Me qirinj në duar në formë simbolike, artistët e kishin të vështirë të mbanin lotët a emocionet për humbjen e atij që ata e quajnë babai i artit shqiptar.
Aktori Mirush Kabashi zbuloi dhe një amanet që Pirro Mani kishte pasur muajt e fundit, i cili lidhej me Teatrin Kombëtar që u shemb gati një vit më parë.
‘Pirro kishte lënë porosi të vendoste një buqetë me lule në gërmadhat e Teatrit Kombëtar’,– u shpreh Kabashi.
Mes tingujsh, nën dritën e qirinjve, në lotët e emocionet e miqve e bashkëpuntorëve, Pirro Manit i’u dha lamtumira nga miqtë dhe kolegët e tij.
