Një aksident me vdekje raportohet të ketë ndodhur në Fier. Gazetarja Valbona Davidhi raporton se një makinë ka dalë nga rruga dhe ka përfunduar në një humnerë në aksin Fier-Cakran. Për pasojë ka humbur jetën drejtuesi i mjetit.
Nuk dihet ende identiteti i viktimës, ndërsa policia ndodhet në vendngjarje.
Njoftimi i policisë:
Sot rreth orës 16:50, një shtetas ende i paidentifikuar, duke drejtuar automjetin tip “Ford”, në aksin rrugor Cakran-Fier, ka humbur kontrollin duke ka dalë nga rruga dhe për pasojë ka humbur jetën.
Në vendngjarje ndodhen shërbimet e policisë rrugore dhe po kryhen veprimet hetimore për zbardhjen e rrethanave të daljes nga rruga dhe identifikimin e viktimës.
