Arrestohet në Fier 31-vjeçari i shpallur në kërkim

Shqipëria

Arrestohet në Fier 31-vjeçari i shpallur në kërkim

Më: 19 gusht 2021 Në ora: 17:13
Foto ilustrim

Policia e Fierit ka arritur të vërë në pranga 31 vjeçarin Eriseld Dane, i shpallur në kërkim prej 1 muaji.

Ai akuzohet se në datën 15 korrik 2021 i ka vjedhur me dhunë portofolin me një sasi lekësh shtetasit E.Ll.

Njoftimi i Policisë:

I vodhi me dhunë portofolin një shtetasi, kapet dhe ndalohet 31-vjeçari i shpallur në kërkim.

Specialistët për Hetimin e Krimeve në Komisariatin e Policisë Fier, në vijim të punës për kapjen e personave të shpallur në kërkim, kapën dhe ndaluan shtetasin Eriseld Dane, 31 vjeç, banues në Fier. Ky shtetas në datë 15.08.2021, në lagjen “Sheq i Vogël”, i ka marrë me dhunë portofolin me një sasi parash shtetasit E. Ll.

Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhje me dhunë”.

Sot mund të lexoni Shfletoni kopertinat