GJKKO dënon me 12 vite burg ish-zyrtarin e lartë të Policisë së Vlorës

Shqipëria

GJKKO dënon me 12 vite burg ish-zyrtarin e lartë të Policisë së Vlorës

Më: 1 dhjetor 2021 Në ora: 15:16
GJKKO

Gjykata e Posaçme ka dënuar me 12 vite burg Gjergji Kohilën, ish-zyrtar i Policisë së Vlorës.

Kohila u fajësua në mungesë për akuzën e “trafikut të narkotikëve” dhe “grupit të strukturuar kriminal”. Për shkak të gjykimit të shkurtuar dënimi u ul në 8 vite.

Gjykata pranoi kështu dënimin e kërkuar nga SPAK për Kohilën.

I bashkëpandehuri tjetër i çështjes, Sokol Bode, po gjykohet në një proces të veçuar, për shkak se gjyqi ndaj tij zhvillohet me procedurë të zakonshme.

Ndërkohë, pas vendimit të Gjykatës së Lartë, çështja në ngarkim e ish-ministrit të Brendshëm, Saimir Tahiri, dhe ish-drejtuesit të Policisë Vlorë, Jaeld Çela, është regjistruar pranë Gjykatës se Posaçme të Apelit për Korrupsionin dhe Krimin e Organizuar.

 

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat