Do të bashkëpunojë me Bashën apo Berishën për zgjedhjet? Si përgjigjet Agron Duka

Shqipëria

Do të bashkëpunojë me Bashën apo Berishën për zgjedhjet? Si përgjigjet Agron Duka

Më: 17 janar 2022 Në ora: 21:26
Agron Duka

Tashmë Partia Demokratike është e ndarë në dy pjesë, mes kryetarit aktual Lulzim Basha dhe ish-kryetarit Sali Berisha. Përplasjet e muajve të fundit janë finalizuar me përjashtimet nga Basha dhe kryesia për deputetët në krah të Berishës.

Sakaq, në këtë atmosferë tepër të tensionuar në selinë blu, aleatët e PD kanë qëndruar të distancuar duke rezervuar komentet.

Në studion e “Log.” me Endri Xhafon, kreu i PAA, Agron Duka u pyet se me kë do të bashkëpunonte për zgjedhjet e pjesshme vendore që priten të mbahen. Duka theksoi se aleancat do t’i vendosin gjatë zgjedhjeve pasi në këtë periudhë nuk kanë rakordim me Bashën.

“Jemi përballë një fakti që shumë shpejt do të bëhen zgjedhjet vendore të pjesshme. Me kë do bashkëpunojmë? Ne do ta diskutojmë. Mundësitë janë të ndryshme. Mund të bashkëpunojmë me njërën palë ose tjetër ose mund të dalim me një kandidaturë të aleancës”, u shpreh Duka.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat