Ambasada e SHBA publikon fotot nga stërvitja e “bishave” në Adriatik

Shqipëria

Ambasada e SHBA publikon fotot nga stërvitja e “bishave” në Adriatik

Më: 20 janar 2022 Në ora: 09:41
Anijet amerikane në detin Adriatik

Ambasada e SHBA në Tiranë ka publikuar foto nga operacionet e manovrimit në detin Adriatik të anijeve amerikane në grupin e aeroplanmbajtëses Harry S. Truman.

Ambasada thekson se kjo stërvitje vjen në frymën e bashkëpunimit të ngushtë mes SHBA dhe Shqipërisë si aleate e NATO-s.

“Në frymën e bashkëpunimit të ngushtë midis Shteteve të Bashkuara dhe Shqipërisë, dhe si aleate të NATO-s, shkatërruesit e raketave të komanduara të klasit Arleigh Burke, USS Gravely dhe USS Bainbridge, së bashku me anijet e rojes bregdetare shqiptare Lissus (P 133) dhe Oriku (P 132), kryen javën e kaluar operacione manovrimi në detin Adriatik.

USS Gravely dhe Bainbridge janë së bashku me grupin Harry S. Truman Carrier Strike në një dislokim të planifikuar në zonën e operacioneve të Flotës së Gjashtë të SHBA-së, në mbështetje të operacioneve detare për të ruajtur stabilitetin dhe sigurinë detare, si dhe për të mbrojtur interesat e Shteteve të Bashkuara, aleatëve dhe partnerëve në Europë dhe Afrikë”, thuhet në postim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat