Kultivim narkotikësh, shkatërrim prone dhe rebelim i të burgosurve/ Arrestohet në Shkodër 39-vjeçari i shpallur në kërkim

Shqipëria

Kultivim narkotikësh, shkatërrim prone dhe rebelim i të burgosurve/ Arrestohet në Shkodër 39-vjeçari i shpallur në kërkim

Më: 20 shkurt 2022 Në ora: 17:28
Foto ilustrim

Një 39-vjeçar i shpallur në kërkim për kultivim të bimëve narkotike u arrestua në Shkodër.

Në njoftimin për mediat, policia tha se shërbimet e Forcës së Posaçme Operacionale në DVP Shkodër, në vijim të punës për kapjen e personave në kërkim, bazuar dhe në informacionet e siguruara në rrugë operative, bënë kapjen dhe ndalimin e shtetasit të shpallur në kërkim T. V. 39 vjeç banues në lagjen “3 Herojt”, Shkodër.

Ky shtetas dyshohet se në gusht të vitit 2021, ka kultivuar bimë narkotike në një sipërfaqe toke në fshatin Shosh, Shkodër

Nga i njëjti burim, mësohet se 39-vjeçari ishte dënuar me burg nga gjykata e Shkodrës për veprat penale “Kultivimi i bimëve narkotike”,  e kryer në bashkpunim, ”Shkatrrim i pronës”, “Shkatërrimi i pronës me zjarr” dhe “Rebelimi i të burgosërve”.

Pas arrestimit të tij, policia i referoi materialet në Prokurorinë e Shkodrës për veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat