Bylykbashi: Basha i shkarkuar, s’kemi pse i kërkojmë dorëheqjen

Shqipëria

Bylykbashi: Basha i shkarkuar, s’kemi pse i kërkojmë dorëheqjen

Më: 15 mars 2022 Në ora: 19:56
Oerd Bylykbashi

Deputeti demokrat, Oerd Bylykbashi, pjesë e Rithemelimit të PD thotë se Lulzim Bashës nuk duhet t’i kërkohet dorëheqja, pasi u shkarkua nga Kuvendi Kombëtar i 11 Dhjetorit.

Bylykbashi tha se shpreson që kolegët e tjerë në PD, të cilët i kërkojnë Bashës dorëheqjen të arrijnë pikërisht në këtë konkluzion. Sipas tij, bashkimi me vendimin e 11 Dhjetorit mbyll diskutimin në selinë blu.

“Së pari paska kërkuar pak, se si rregull ka do dy muaj kohë. Ky është mekanizmi i tij. Nuk e di mund të kërkojë kohë dikush kur ia kërkojnë të gjithë të ikë. Po ia kërkojnë edhe ata që e mbrojtën deri në datë 6.

Për sa na përket ne dhe PD. Mos të harrojmë Kuvendin në 11 dhjetor. Ata që e ndjekin Bashën në këtë rrugëtimin e tij që të gjithë po i çudit. Më datë 11 ai Kuvend nuk zhbëhet.

Më shumë se simbolika, 11 dhjetori është kuvendi që bëri dy gjëra të rëndësishme, ndryshoi statutin, u fut referendumi që u zbatua më 18 dhjetor.

Dikush kërkon dorëheqjen, nga dikush që është i shkarkuar nga partia. Besoj se kolegët e mi do të arrijnë te konkluzioni se rruga më e thjeshtë për ta, për të ruajtur edhe dinjitetin është që të mos lodhen fare, t’i kërkojnë dorëheqjen; bashkimi me vendimin e 11 Shjetorit për shkarkimin e mbyll këtë diskutim”, tha ai. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat