Ish-drejtori i kabinetit “braktis” Bashën, i bashkohet Sali Berishës

Shqipëria

Ish-drejtori i kabinetit “braktis” Bashën, i bashkohet Sali Berishës

Më: 30 prill 2022 Në ora: 10:29
PD

Ish-drejtori i Kabinetit të Lulzim Bashës, Dorian Teliti i bashkohet ish-kryeministrit Sali Berisha.

Mediat raportojnë se Teliti është parë në ambientet e Pallatit të Kongreseve teksa i është bashkuar Kuvendit Kombëtar që po zhvillohet sot. Teliti është në mesin e kandidatëve për Këshillin Kombëtar.

Bëhet me dije se hyrja e Pallatit të Kongreseve është mbuluar nga një banderolë ngjyrë blu kurse slogani është: “Më të bashkuar, më të fortë, më të hapur”. 1800 delegatë të Kuvendit të PD do të zgjedhin sot Këshillin e ri Kombëtar të kësaj force politike, ku mes emrave të propozuar bien në sy edhe rikthimi i disa figurave të njohura për demokratët.

Image
Dorian Teliti

Mes emrave të 420 kandidatëve për postet në Këshillin e ri Kombëtar të PD-së, të zbardhur nga Abc, janë shumë prej ish-deputetëve të Partisë Demokratike pas vitit 2013, si Arben Imami, Myqerem Tafaj, Rudina Hajdari, Myslim Murrizi, ish kandidatët për kreun e PD, Edith Harxhi dhe Fatbardh Kadilli, mjeku Ilir Alimehmeti, artistët Renis Gjoka, Julian Deda, ish-kandidatët e zgjedhjeve të 6 marsit, gazetarët Floriana Garo, Fjoralba Dizdari, Patrik Sadikaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat