Berisha nga Korça: Opozita e vërtetë do ta shpëtojë vendin nga ‘regjimi’

Shqipëria

Berisha nga Korça: Opozita e vërtetë do ta shpëtojë vendin nga ‘regjimi’

Më: 19 maj 2022 Në ora: 19:47
Sali Berisha

Sali Berisha ka deklaruar se opozita e vërtetë do ta shpëtojë vendin nga qeveria që nuk kontrollohet më nga qytetarët.

Sipas Berishës, me politikat që po ndjek, Rama po iu rezervon qytetarëve varfëri e mjerim.

“Opozita e vërtetë e këtij kombi është e vendosur në misionin e saj të shpëtojë vendin nga një regjim dhe një qeveri e cila nuk kontrollohet më nga qytetarët, por nga interesat personale të qeveritarëve.

Nga një regjim i cili është i shkëputur nga ju dhe krijon për vete klane dhe pasuri përrallore duke vjedhur taksat tuaja, pasuritë publike, ndërsa u rezervon qytetarëve varfëri, mjerim dhe largimin nga vendi i tyre. Me qëndrimet e tij dhe politikat që ndjek regjimi aktual autokratik është regjimi më antishqiptar që ka qeverisur këtë vend pas regjimit të Enver Hoxhës. Çdo s’ka i këtij vendi ka një pasuri përrallore e burime të pafundme, por ku janë qytetarët, në raport me këto pasuri”- tha Berisha nga Korça ku ndodhet në kuadër të fushatës për zgjedhjen e kreut të Partisë Demokratike.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat