Kimikatet ndotin Drinin! Fenomeni prej disa ditësh, dyshime për shkarkime nga bizneset

Shqipëria

Kimikatet ndotin Drinin! Fenomeni prej disa ditësh, dyshime për shkarkime nga bizneset

Më: 26 maj 2022 Në ora: 15:38
Foto ilustrim

Një ndotje e pashpjegueshme po ndodh prej dy ditësh në lumin Drin, ku si pasojë shumë peshq të ngordhur janë përgjatë gjithë gjatësisë së tij.

Në terren kane dalë inspektorë të mjedisit por ende nuk kanë marrë asnjë kampion uji për të bërë analiza dhe verifikuar shkaqet e kësaj ndotjeje e nga ana tjetër deri më tani ende nuk është marrë asnjë masë për pastrimin e Lumit Drin.

Dyshimet e para për ngordhjen e peshqve ishte gjuetia e paligjshme me korrent nga ana e peshkatarëve të zonës, por në fakt pamjet tregojnë një krim mjedisor të shkaktuar nga shumë faktorë duke filluar nga bizneset, të cilët operojnë në këtë zonë apo dhe institucione të ndryshme, të cilët kanalizimet e ujërave të zeza i derdhin në lumin Drin.

Gjergj Elezi, përgjegjës pranë IKMT Lezhë, shprehet se ende nuk kanë një përgjigje konkrete për ndotjen pasi janë lajmëruar vonë për situatën, dhe nga ana tjetër kërkoi nga Agjencia Kombëtare e Mjedisit, monitorimin e situatës për të përcaktuar këtë ndotje, dhe më pas të merren masa nga Inspektorati i Mbrojtjes së Mjedisit.

Banorët të cilët jetojnë pranë kësaj zone janë ata të cilët vuajnë pasojat e kësaj katastrofe mjedisore, e cila prej vitesh vijon të mos ketë një zgjidhje përfundimtare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat