Gjykata e Kukësit vendosi ta lirojë nga burgu/ Momenti i arrestimit të Durakut në vitin 2019

Shqipëria

Gjykata e Kukësit vendosi ta lirojë nga burgu/ Momenti i arrestimit të Durakut në vitin 2019

Më: 25 qershor 2022 Në ora: 17:56
Foto nga vendi i ngjarjes

Gjykata e Kukësit vendosi të lirojë këtë të shtunë nga burgu shqiptarin Burim Duraku, i cili akuzohet për veprën penale “Vrasje me Paramendim në Bashkëpunim”.

Burim Duraku u arrestua në Kukës më datë 20.12.2019 pasi kërkohej nga drejtësia greke.

Sipas burimeve të Anila Hoxhës që i konfirmuan këtë  vendim të gjykatës, Duraku  dyshohet se vrau në Greqi në maj të vitit 2010 shtetasen Artemis Vasilopou.

Ngjarja sipas autoriteteve vendase ndodhi në vendin e quajtur Argostoli të Kefalinias të Greqisë, ku Duraku, në bashkëpunim me shtetasin Sh. D., të maskuar janë futur në banesën private të shtetases greke.

Pasi kanë tentuar pa sukses të shpërthenin me një mjet të mprehtë derën midis kuzhinës dhe sallonit, e cila ka qenë e kyçur, e kanë thyer derën dhe janë futur brenda.

Aty kanë gjetur shtetasen greke A. V., të cilës i kanë lidhur duart dhe këmbët me një shirit ngjitës. Më pas kanë grisur me thikën një copë xhakete dhe e kanë mbështjellë me shiritin ngjitës duke i zënë frymën e më pas i kanë vënë në kokë një qese plastike dhe si pasojë e asfiksisë ajo ka gjetur vdekjen.

Këta dy shtetas më pas i kanë vjedhur një shumë të hollash dhe disa sende të çmuara viktimës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat