Rriten pagat nga 1 tetori, kategoritë që përfitojnë

Shqipëria

Rriten pagat nga 1 tetori, kategoritë që përfitojnë

Më: 28 shtator 2022 Në ora: 17:28
Ilustrim

Këshilli i Ministrave ka miratuar së fundmi vendimin për rritjen e pagave duke nisur që nga muaji tetor. Kështu, paga minimale do të shkojë në 34 mijë lekë dhe pensionet me 6%. Por cilat janë kategoritë që përfitojnë nga muaji i ardhshëm?

Pagat do të rriten për punonjësit e policisë së shtetit (nga policët bazë te gradat më të larta), zjarrfikësit, gardistët dhe punonjësit publikë.

Lajmin e ka dhënë sot kryeministri Edi Rama pas mbledhjes së qeverisë.

Rama tha se rritja e pagës për punonjësit bazë të policisë do të jetë 15 për qind, ndërkohë që për ata që janë në nivel oficerësh, rritja do të jetë me 7 për qind.

“Ne sot kemi marrë vendimin që Policia e Shtetit, nivelet bazë, pra të gjithë punonjësit inspektorë dhe niveli i mesëm të kenë një shtesë page 7 për qind. Shtesa më e lartë është për nivelin bazë 15 për qind. Shtesa në vijim është për nivelin e mesëm. E njëjta vlen për gardën e Republikës. Kemi një shtesë page edhe për policinë e burgjeve, për zjarrfikëse, për administratën publike dhe jo vetëm për nëpunësit në shërbimin publik, por edhe punonjësit mbështetës.

Të gjitha vendimet hyjnë në fuqi menjëherë. Pra, paga e ardhshme që do të marrin të gjitha kategoritë do të jetë e rritur sipas përcaktimeve në vendimet përkatëse”,- tha Rama.

commentFirst article
Sot mund të lexoni Shfletoni kopertinat