Çupi: Meta dhe Berisha janë bërë bashkë nga halli

Shqipëria

Çupi: Meta dhe Berisha janë bërë bashkë nga halli

Më: 5 tetor 2022 Në ora: 07:52
Frrok Çupi

“Aleanca për të shpëtuar lëkurën”, kështu e cilëson analisti Frrok Çupi marrëdhënien Meta-Berisha për zgjedhjet lokale 2023. Në një intervistë dje për mediat, analisti Çupi u shpreh se të dy janë bashkuar për të agresuar Amerikën. Sipas Çupit, të dy kanë lidhje me Rusinë dhe Iranin.

Madje, për Metën thotë se për sa kohë mbante zyrën e presidentit, ka shitur informacione sekrete për një qendër spiunazhi në Rusi.

“Mendoj se i gjithë strumbullari i kësaj vizite është Amerika. Kjo më dëshmon se SHBA kanë identifikuar rrezik të madh në Shqipëri tek figura e Berishës. Po kaq i rrezikshëm është dhe Meta. Këto janë aleanca sit ë shpëtojnë lëkurën. Nuk ka asnjë vlerë çfarë do të diskutojnë me njëri-tjetrin, thjesht një fjalë që do jemi bashkë në zgjedhje por çfarë do të bëjmë për të agresuar Amerikën. Do të thotë gjithë edukimi perëndimor në Shqipëri, gjithë demokracinë dhe lidhjen e njëri-tjetrit me Rusinë e Iranin. Sa kohë që Meta ishte në zyrën e presidentit, ka shitur informacione sekrete për agjenturën ruse. Vetë Berisha e ka demaskuar veten kur tha kisha dhe një ofertë tjetër që më dhanë shumë para. Kemi një fakt që në Shqipëri hyn gazsjellësi e del, por ne nuk marrim dot 1 litër. Por një avion të kalojë në qiellin shqiptar, marrim tarifë siç do shtet tjetër. Meta dhe Berisha takohen në mënyrë sekrete, kështu që kemi diçka shumë sekrete që është punuar dhe do të shohim çfarë do të ndodhë mes tyre”, deklaroi ai.

Sa i përket thirrjes së grupit të PD që drejtohet nga Enkelejd Alibeaj të mos futen në zgjedhjet lokale, analisti Çupi u shpreh se nëse ndodh që të mos “zbatojnë” kërkesën, paralajmëron se do të ketë luftë civile.

“Prej kohësh në PD flitet se do të ketë luftë civile dhe ky është një aspekt i luftës civile. Nëse PD që kryesohet nga Alibeaj futet në zgjedhje, do të ketë luftë civile. Këta po ndjejnë se duket sikur qeveria po i lë të lirë. Lufta civile është 1 prej opsioneve. Opsionet e tjera do ti zbulojmë. S’kemi të bëjmë me politikë, por përpjekje e sulme për të thyer rendin civil në Shqipëri”, nënvizoi Çupi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat