“Mos e pini të gjithë verën që morrët në mëngjes”, batuta e Ramës me gazetarët

Shqipëria

“Mos e pini të gjithë verën që morrët në mëngjes”, batuta e Ramës me gazetarët

Më: 6 dhjetor 2022 Në ora: 11:45
Edi Rama

Pasi priti të gjithë liderët e Bashkimit Evropian në Tiranë, kryeministri Rama nuk nguroi që edhe vetë të jepte një deklaratë për mediat e huaja.

Fjala e Ramës ishte me batuta dhe ironi, ndërsa tha se BE ka nevojë për Ballkanin Perëndimor po aq sa Ballkani Perëndimor ka nevojë për BE.

“Është diçka që edhe ai me imagjinatën më guximtare nuk do kishte përfytyruar që do ndodhte, por ndodhi.

Mendoj që është një sinjal i vetëdijes së BE se BE ka nevojë për Ballkanin Perëndimor po aq sa Ballkanin Perëndimor  ka nevojë për BE. Kjo është e rëndësishme.

Deri dje kishim një mot si në BE, por nuk mund t’ju mirëprisnim me atë mot dhe sollëm djellin për ju.  Shpresoj ta vlerësoni”, tha Rama.

Ndërkohë i pyetur për arritjen e një dialogu mes Kosovës dhe Serbisë sot, kreu i qeverisë u shpreh se kjo nuk është e mundur.

“Është një pyetje lidhur me Serbinë dhe Kosovën. Nëse do zgjidhet sot, unë do të doja të ishte kështu, sepse dua që BE të kishte këtë magji, por nuk është kështu.

Është e vështirë, do të kërkojë kohën e vetë, por Ballkani Perëndimor kurrë nuk ka qenë më mirë dhe shqiptarët kudo që janë nuk ka qenë kurrë më mirë në historinë e tyre”, tha Rama.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat