Partia Demokratike me kryetar të komanduar, Enkelejd Alibeajn ka vendosur mbrëmë pas mesnate të hyjë në zgjedhjet e 14 majit me kandidatë në disa bashki të vendit dhe këshillat bashkiakë.
Burimet thanë se në 16 bashki, përfshi Tiranën, Alibeaj do të ketë kandidatët e tij, çka do të thotë se përballja në këto zona do të jetë me tre kandidatë.
Këtu përfshihen edhe kandidatët e Partisë Socialiste dhe Komisionit të Rithemelimit të Berishës.
Përballja më me interes do të jetë ajo e Tiranës, ku emrave të Erion Veliajt dhe Belind Këlliçit i është shtuar edhe ai i Roland Bejkos që do të përfaqësojë PD-në zyrtare.
