Gjendet i pajetë pranë banesës 47-vjeçari në Shkodër, dyshohet se është pickuar nga bletët

Shqipëria

Gjendet i pajetë pranë banesës 47-vjeçari në Shkodër, dyshohet se është pickuar nga bletët

Më: 8 gusht 2025 Në ora: 13:29
Foto ilustrim

Një 47-vjeçar është gjetur i pajetë nga familjarët e tij, në afërsi te banesës, në fshatin Nënmavriq në Shkodër.

Policia bën me dije se nga këqyrja e trupit nuk janë konstatuar shenja dhune.

Paraprakisht, dyshohet se 47-vjeçari  me iniciale Z.V e ka humbur jetën, si pasojë e pickimit nga bletët.

Njoftimi i policisë

Drejtoria Vendore e Policisë Shkodër

Në orët e para të mëngjesit të sotëm, në fshatin Nënmavriq, është gjetur nga familjarët, në afërsi te banesës, trupi i pajetë i shtetasit Z. V., 47 vjeç.

Nga këqyrja e trupit nuk janë konstatuar shenja dhune. Paraprakisht, dyshohet se 47-vjeçari e ka humbur jetën, si pasojë e pickimit nga bletët.

Grupi hetimor po heton për të dokumentuar rrethanat e rastit.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

comment Për komente lëvizni më poshtë
Sot mund të lexoni Shfletoni kopertinat