Ushtarë shqiptarë marrin pjesë në stërvitjen e NATO-s në Letoni

Shqipëria

Ushtarë shqiptarë marrin pjesë në stërvitjen e NATO-s në Letoni

Më: 7 shtator 2025 Në ora: 17:51
Ushtarë shqiptarë

Kryeministri i Shqipërisë, Edi Rama, ka thënë se ushtarë të Forcave të Armatosura kanë qenë në Letoni në mbështetje të NATO-s.

Në një postim në Facebook, Rama ka theksuar se efektivët e kontingjentit të XVII EOD të Forcave të Armatosura morën pjesë në stërvitjen “Exercise OAK Resolve” në Letoni, në mbështetje të Brigadës Shumkombëshe të NATO-s.

Sipas Ramës, ushtarët patën detyra reale për asgjësimin e mjeteve të pashpërthyera (UXO) dhe hapjen e shtigjeve për lëvizjen e trupave.

“Angazhim që rrit ndërveprueshmërinë me forcat aleate dhe forcon kapacitetet operacionale të njësive tona në mjediset ndërkombëtare”, ka thënë Rama.

comment Për komente lëvizni më poshtë
Sot mund të lexoni Shfletoni kopertinat