Shpallet i pafajshëm Davide Pecorelli

Shqipëria

Shpallet i pafajshëm Davide Pecorelli

Më: 18 shtator 2025 Në ora: 15:21
Davide Pecorelli

Gjykata e Apelit ka shpallur të pafajshëm Davide Pecorellin për veprën penale të mashtrimit, sipas nenit 143/3 të Kodit Penal. Ndërkohë, akuza për shkatërrim prone me zjarr me pasoja të rënda (neni 151/2) u ndryshua, duke e shpallur atë fajtor për shkatërrim prone me zjarr sipas nenit 151/1 dhe e dënoi me 8 muaj burgim.

Për veprën penale të dhunimit të varreve (neni 118), Pecorelli u shpall gjithashtu fajtor dhe u dënua me 8 muaj burgim.

Në bashkim të dënimeve, sipas nenit 55 të Kodit Penal, ai u dënua përfundimisht me 14 muaj burgim. Duke aplikuar përfitimin e gjykimit të shkurtuar, dënimi u ul me 1/3, duke rezultuar në 9.6 muaj burgim.

Gjykata theksoi se duke pasur parasysh periudhën e paraburgimit të kryer në Itali dhe Shqipëri, dënimi konsiderohet i vuajtur dhe urdhëroi lirimin e menjëhershëm të tij.

comment Për komente lëvizni më poshtë
Sot mund të lexoni Shfletoni kopertinat