Ish-kryeministri rumun reagon për Nanon: Luajti rol kyç në transformimin e vendit

Shqipëria

Ish-kryeministri rumun reagon për Nanon: Luajti rol kyç në transformimin e vendit

Më: 1 nëntor 2025 Në ora: 13:15
Ish-kryeministri i Rumanisë, Adrian Nastase

Ish-kryeministri i Rumanisë, Adrian Nastase, ka reaguar në lidhje me ndarjen nga jeta të ish-kryeministrit të Shqipërisë, Fatos Nano.

Përmes një postimi në rrjetet sociale, Nastase shkruan se Fatos Nano luajti një rol kyç në transformimin demokratik dhe modernizimin e Shqipërisë.

Ai njihet si një nga homologët e Nanos që ka pasur një raport shumë të ngushtë me të.

“Jemi takuar shumë herë gjatë viteve dhe e mbaj mend qartë takimin tonë të fundit në vitin 2003, gjatë mandatit tim si Kryeministër i Rumanisë. Gjatë gjithë jetës së tij publike, Fatos Nano luajti një rol kyç në transformimin demokratik dhe modernizimin e Shqipërisë. Përkushtimi dhe vizioni i tij do të kujtohen me mirënjohje nga të gjithë ata që e njohën dhe e respektuan. I shpreh ngushëllimet dhe dhembshurinë time të sinqertë familjes, miqve dhe kolegëve të tij në këto momente pikëllimi. U prehtë në paqe!”, shkruan në rrjetet sociale, Nastase.

comment Për komente lëvizni më poshtë
Sot mund të lexoni Shfletoni kopertinat