Aksidentet në punë në rritje, INSTAT publikon shifrat

Shqipëria

Aksidentet në punë në rritje, INSTAT publikon shifrat

Më: 15 nëntor 2025 Në ora: 16:23
Foto ilustrim

Sipas INSTAT, numri i punëmarrësve të aksidentuar në punë në vitin 2024 ishte 177, duke shënuar një rritje prej 5% krahasuar me vitin 2023.

Nga këta, 4 në 5 ishin meshkuj, ndërsa aksidentet me pasojë vdekjen ishin 33.

Për të identifikuar parregullsi dhe për të nxitur bizneset të respektojnë masat e sigurisë, Inspektoriati Shtetëror i Punës kryen inspektime çdo muaj.

Gjatë vitit të kaluar u kontrolluan 9,860 subjekte dhe 190,000 vende pune.

Një pjesë e bizneseve morën vërejtje ose këshilla për të mbrojtur punonjësit e tyre.

Në total, u trajtuan 690 ankesa të adresuara në Inspektoratin e Punës.

Për bizneset problematike ose ato që gjendeshin në paligjshmëri gjatë inspektimeve, Inspektorati mori 3,433 masa administrative dhe 210 gjoba, me një vlerë totale prej 54 milionë lekësh.

comment Për komente lëvizni më poshtë
Sot mund të lexoni Shfletoni kopertinat